Ileana: టాలీవుడ్ ఇండస్ట్రీలో స్టార్ హీరోయిన్గా ఒకానొక సమయంలో ఓ వెలుగు వెలిగినటువంటి వారిలో గోవా బ్యూటీ ఇలియానా ఒకరు. ఈమె ఇండస్ట్రీలో స్టార్ హీరోయిన్గా కొనసాగారు. దేవదాసు సినిమా ద్వారా ఇండస్ట్రీకి పరిచయమైనటువంటి ఇలియానా మొదటి సినిమాతో సక్సెస్ అందుకున్నారు అనంతరం పోకిరి సినిమా ద్వారా ప్రేక్షకుల ముందుకు వచ్చి బ్లాక్ బస్టర్ హిట్ అందుకున్నారు.
ఇలా ఇండస్ట్రీలో హీరోయిన్గా కొనసాగుతూ ఎంతో మంచి సక్సెస్ అందుకున్నటువంటి ఈమెకు క్రమక్రమంగా సినిమా అవకాశాలు తగ్గిపోవడంతో ఇండస్ట్రీకి కూడా దూరమయ్యారు. ఇలా ఇండస్ట్రీకి దూరంగా ఉన్నటువంటి ఇలియానా సినిమా ప్రయత్నాలు చేస్తూ సోషల్ మీడియాలో పెద్ద ఎత్తున రచ్చ చేసేవారు.
ఇలా సోషల్ మీడియా వేదికగా ఈమె తాను తల్లి కాబోతున్నాననే విషయాన్ని తెలియజేస్తూ అందరికీ షాక్ ఇచ్చారు. అసలు ఈమె పెళ్లెప్పుడు చేసుకుంది పెళ్లి కాకుండానే తల్లి అయిందా అంటూ ఈమె ప్రెగ్నెన్సీ గురించి ఎన్నో రకాల సందేహాలు వచ్చాయి. అయితే ఈమె డెలివరీకి ముందు తన భర్తను అందరికీ పరిచయం చేశారు.
విమర్శిస్తే తట్టుకోలేను..
ఇక ప్రస్తుతం బాబు ఆలనా పాలన చూసుకుంటూ ఫ్యామిలీతో ఎంతో సంతోషంగా గడుపుతున్నటువంటి ఈమె తాజాగా ఒక ఆసక్తికరమైనటువంటి పోస్ట్ చేశారు. తాను ప్రెగ్నెన్సీ తర్వాత కూడా పని చేయాలనుకున్నాను కానీ పరిస్థితులు అనుకూలించలేదని తెలిపారు. తన ప్రెగ్నెన్సీ సమయంలో తన తల్లితోపాటు తన భర్త మైకేల్ ఎంతో సపోర్ట్ చేశారని తెలిపారు. ఇక నేను నా రిలేషన్ గురించి నా భర్త గురించి దాచి పెట్టడానికి కారణం ఉందని తెలిపారు. నన్ను ఏవైనా విమర్శించిన నేను భరిస్తాను కానీ నా తల్లిని, నా భర్తను ఎవరైనా ఏదైనా విమర్శిస్తే తట్టుకోలేనని అందుకే ఈ బంధం గురించి బయట పెట్టలేదు అంటూ ఇలియానా చేసిన ఈ పోస్ట్ వైరల్ అవుతుంది.