Gopichand: టాలీవుడ్ ఇండస్ట్రీలో విలన్ గా,హీరోగా పలు సినిమాలలో నటించి ఎంతో మంచి గుర్తింపు సంపాదించుకున్న నటుడు గోపీచంద్ ఎన్నో సినిమాల ద్వారా తెలుగు ప్రేక్షకులను సందడి చేశారు. అయితే ఈయన సినీ కెరీర్ లో హిట్ సినిమాలతో పాటు ఫ్లాప్ సినిమాలు కూడా వచ్చాయి.ఒకానొక సమయంలో గోపీచంద్ కెరియర్ పూర్తిగా అయిపోయిందనుకున్న తరుణంలో సిటీ మార్ సినిమా ద్వారా మరోసారి ఇండస్ట్రీలో నిలదొక్కుకున్నారు.

ఇకపోతే తాజాగా గోపీచంద్ మారుతి దర్శకత్వంలో పక్కా కమర్షియల్ అనే సినిమా ద్వారా ప్రేక్షకుల ముందుకు రాబోతున్నారు. ఈ సినిమా జులై 1వ తేదీ విడుదల కాబోతోంది. ఇకపోతే ఈ సినిమా విడుదల తేది దగ్గర పడటంతో పెద్దఎత్తున సినిమా ప్రమోషన్ కార్యక్రమాలను నిర్వహిస్తున్నారు.

ఈ ప్రమోషన్ కార్యక్రమాలలో భాగంగా గోపీచంద్ ఒక ఇంటర్వ్యూలో పాల్గొన్నారు. కమర్షియల్ అంటే డబ్బు విషయంలో చాలామంది ఎంతో కమర్షియల్ గా ఉంటూ ఉంటారు. ఈ క్రమంలోనే యాంకర్ గోపీచంద్ ని ప్రశ్నిస్తే మీకు అర్జెంటుగా 10000 కావాలని ఫోన్ చేసి అడిగితే ఎవరు వేస్తారు అంటూ ప్రశ్నించారు. ఈ ప్రశ్నకు గోపీచంద్ సమాధానం చెబుతూ డైరెక్టర్ మారుతి గారు అని చెప్పారు.

ఈ క్రమంలోనే మారుతి గారికి ఫోన్ చేసి తనకు ఒక్క నిమిషంలో పదివేల రూపాయలు కావాలి అర్జెంట్గా వేయమని చెప్పారు. ఈ విధంగా గోపీచంద్ 10,000 కావాలని అడగడంతో మారుతి మాట్లాడుతూ అదేంటి ఏదో 10 లక్షలు కావాలని అడిగావ్ అన్న అంటూ సమాధానం చెప్పారు. పదివేలే కదా వెంటనే నీ నెంబర్ పంపించు వేస్తాను అని సమాధానం చెప్పారు.

పది లక్షలు అన్నట్టు అడిగావన్నా..

ఇక గోపీచంద్ గూగుల్ పే నెంబర్ కి సెండ్ చేయమని చెప్పగా మారుతీ నిమిషంలో పదివేల రూపాయలు తన అకౌంట్ కి ట్రాన్స్ఫర్ చేశారు. ఇక గోపీచంద్ నటించిన పక్కా కమర్షియల్ సినిమా మారుతి దర్శకత్వంలో తెరకెక్కింది. ఈ క్రమంలోనే ఈ సినిమాను పెద్ద ఎత్తున ప్రమోట్ చేస్తున్నారు. ఇక ఈ సినిమాలో గోపీచంద్ సరసన రాశి ఖన్నా హీరోయిన్ పాత్రలో సందడి చేయనున్నారు.