Prashanth Varma: హనుమాన్ సినిమా ద్వారా దర్శకుడుగా ఎంతో పేరు ప్రఖ్యాతలను సంపాదించుకున్నారు. డైరెక్టర్ ప్రశాంత్ వర్మ ఈ సినిమా ద్వారా ఈయన పేరు పాన్ ఇండియా స్థాయిలో మారుమోగిపోతుంది. ఇలా దర్శకుడిగా ఇండస్ట్రీలో గుర్తింపు పొందడమే కాకుండా ఈ సినిమా ద్వారా భారీ స్థాయిలో లాభాలను కూడా అందుకున్నారు.

40 కోట్ల రూపాయల బడ్జెట్తో తెరకేక్కిన ఈ సినిమా ఏకంగా 270 కోట్లకు పైగా కలెక్షన్స్ రాబట్టి సంచలనాలను సృష్టించింది. ఇక ఈ సినిమా ఈ స్థాయిలో లాభాలను అందుకోవడంతో ఈ సినిమా నిర్మాత నిరంజన్ రెడ్డి డైరెక్టర్ ప్రశాంత్ వర్మకు ఖరీదైన కానుకను ఇవ్వాలని నిర్ణయం తీసుకున్నారట.

ఖరీదైన రేంజ్ రోవర్ కారు కానుకగా ఇవ్వాలని నిరంజన్ రెడ్డి ఫిక్స్ అయ్యారట. ఇప్పటికే లేటెస్ట్ మోడల్ కారును కూడా బుక్ చేశారని తెలుస్తోంది. ఈ విధంగా హనుమాన్ సినిమా సక్సెస్ అవ్వడంతో డైరెక్టర్ ఖరీదైన కారును బహుమతిగా అందుకోబోతున్నారని తెలుస్తుంది.

ఆరు కోట్లు..

ఇటీవల కాలంలో ఏదైనా సినిమా మంచి సక్సెస్ అయితే దర్శకులకు హీరోలకు నిర్మాతలు ఇలా ఖరీదైన కానుకలను అందిస్తుండడం మనం చూస్తున్నాము. ఈ క్రమంలోనే హనుమాన్ డైరెక్టర్ కూడా ప్రొడ్యూసర్ నుంచి కారును అందుకోబోతున్నారని తెలుస్తుంది. ఈ కారు విలువ సుమారు 6 కోట్ల వరకు ఉంటుందని సమాచారం.ఇక హనుమాన్ సినిమా మంచి సక్సెస్ కావడంతో ప్రశాంత్ వర్మ జై హనుమాన్ సినిమా పనులలో బిజీ అయ్యారు.