Amardeep Chowdary: హీరోగా బిగ్ బాస్ అమర్.. హీరోయిన్ ఎవరో తెలుసా?

Amardeep Chowdary: బుల్లితెర నటుడిగా ఎంతో మంచి ఆదరణ సంపాదించుకున్నటువంటి వారిలో అమర్ దీప్ చౌదరి ఒకరు. అమర్ బుల్లితెర సీరియల్స్ లో నటిస్తూ ఎంతో పేరు ప్రఖ్యాతలను సంపాదించుకొని అనంతరం బిగ్ బాస్ అవకాశాన్ని అందుకున్నారు. ఇలా బిగ్ బాస్ కార్యక్రమం ద్వారా ఎంతో మంచి గుర్తింపు సంపాదించుకున్నటువంటి అమర్ రన్నర్ గా బయటకు వచ్చారు.

ఇక బిగ్ బాస్ తర్వాత ఈయనకు మరింత ఫ్యాన్ ఫాలోయింగ్ పెరగడమే కాకుండా కెరియర్ పరంగా కూడా బిజీ అవుతున్నారు. బిగ్ బాస్ కార్యక్రమం తర్వాత అమర్ వరుసగా సినిమా అవకాశాలను అందుకుంటున్నారు. తాజాగా ఈయన మొదటి సినిమా పూజ కార్యక్రమాలను కూడా ఎంతో ఘనంగా పూర్తి చేసుకున్నారు.

అమర్ తన మొదటి సినిమా పూజా కార్యక్రమం నేడు ఉదయం ప్రసాద్ ల్యాబ్ లో ఎంతో ఘనంగా జరిగాయి ఇక హీరోగా అమర్ వెండి తెర ఎంట్రీ ఇవ్వడంతో అభిమానులు కూడా సంతోషం వ్యక్తం చేస్తున్నారు. మరి ఈ సినిమాలో హీరోయిన్ ఎవరు అనే విషయానికి వస్తే టాలీవుడ్ ఇండస్ట్రీలో క్యారెక్టర్ ఆర్టిస్ట్ గా ఎంతో మంచి గుర్తింపు సంపాదించుకున్నటువంటి నటి సురేఖ వాణి కుమార్తె సుప్రీత హీరోయిన్గా ఎంపిక అయ్యారు.

హీరోయిన్ గా సుప్రీత..

ఈ సినిమా M3 మీడియా బ్యానర్లో,మహేంద్ర నాథ్ కొండ్ల నిర్మాణంలో తెరకెక్కనుంది. ఈ మేరకు ఈ విషయాన్ని తెలుపుతూ చిత్ర బృందం అధికారికంగా ఒక పోస్టర్ ని కూడా విడుదల చేశారు. ఈ సినిమాలో వీరితో పాటు పలువురు సీనియర్ నటీనటులు కూడా నటిస్తున్నారు. ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి.