Teja Sajja: తేజ సజ్జ హీరోగా ప్రశాంత్ వర్మ దర్శకత్వంలో ప్రేక్షకుల ముందుకు వచ్చినటువంటి తాజా చిత్రం హనుమాన్ ఈ సినిమా విడుదలయి 25 రోజులు అవుతున్నప్పటికీ ఇంకా బాక్స్ ఆఫీస్ వద్ద పెద్ద ఎత్తున కలెక్షన్ల వర్షం కురిపిస్తుంది. ఒక చిన్న సినిమాగా కేవలం 50 కోట్ల బడ్జెట్ తో ఈ సినిమా షూటింగ్ పూర్తి చేసుకుంది అలాగే ఇండస్ట్రీలో చైల్డ్ ఆర్టిస్ట్ గా నటించిన తేజ హీరోగా ఈ సినిమాలో నటించారు.
ఈ విధంగా ఒక చిన్న సినిమాగా ప్రేక్షకుల ముందుకు వచ్చి సంచలనం అయినటువంటి విజయాన్ని సొంతం చేసుకుంది. ఇలాంటి విజయాలు అరుదుగా జరుగుతూ ఉంటాయి. ఇకపోతే సంక్రాంతికి విడుదలవుతున్నటువంటి ఈ సినిమాపై ఏ విధమైనటువంటి అంచనాలు లేకుండా విడుదల అయ్యాయి. స్టార్ హీరోలతో పోటీ పడటం అవసరమా అంటూ కొందరు ఈ సినిమా విడుదల తేదీపై కామెంట్లు కూడా చేశారు.
సినిమా కంటెంట్ పైన నమ్మకంతో దర్శకుడు ఏమాత్రం వెనకడుగు వేయకుండా స్టార్ హీరోలకు పోటీగా ఈ సినిమాని విడుదలకు సిద్ధం చేశారు. అనుకున్న విధంగానే ఈ సినిమా ఎంతో మంచి సక్సెస్ సాధించింది. ఇకపోతే ఈ సినిమా విడుదల 25 రోజులు పూర్తి కావడంతో మేకర్స్ అధికారిక పోస్టర్ ద్వారా ఈ సినిమా కలెక్షన్లను వెల్లడించారు.
తగ్గని క్రేజ్..
25 రోజులకు గాను ఈ సినిమా ఏకంగా 300 కోట్ల కలెక్షన్స్ రాబట్టి రికార్డు సృష్టించింది. ఇక ఈ సినిమా మంచి సక్సెస్ కావడంతో ఈ సినిమా సీక్వెల్ చిత్రంపై కూడా భారీ స్థాయిలో అంచనాలు ఏర్పడ్డాయి.ఈ సినిమాలో తేజ కూడా ఓ పాత్రలో నటించబోతున్నారని తెలుస్తోంది. ఇక ఈ సినిమాకు జై హనుమాన్ అనే టైటిల్ కూడా ఖరారు చేశారు.