Chiranjeevi: సినీ ఇండస్ట్రీలో మెగాస్టార్ చిరంజీవి కెరియర్ గురించి ప్రత్యేకంగా చెప్పాల్సిన పనిలేదు ఎలాంటి సినీ నేపథ్యం లేని కుటుంబం నుంచి ఇండస్ట్రీలోకి అడుగుపెట్టి తన కంటూ ఒక బ్రాండ్ ను క్రియేట్ చేసుకున్న మెగాస్టార్ చిరంజీవి అద్భుతమైన చిత్రాల్లో నటించి ఎందరికో ఆదర్శంగా ఉన్నారని చెప్పవచ్చు.
పునాదిరాళ్లు అనే సినిమాతో నటుడిగా తన ప్రస్థానం మొదలు పెట్టిన చిరంజీవి ఇప్పటికీ నేటి తరం హీరోలకు పోటీగా వరుస సినిమాలలో నటిస్తూ ఎంతో బిజీగా ఉన్నారు. అయితే అప్పట్లోనే చిరంజీవిలో దాగి ఉన్న ప్రతిభను గుర్తించిన నటుడు అల్లు రామలింగయ్య తన కూతురు మెగాస్టార్ చిరంజీవి 1980 ఫిబ్రవరి 20వ తేదీన వివాహం చేశారు.
ఇలా వీరిద్దరికీ వివాహం నిశ్చయం చేసిన తర్వాత చాలామంది అల్లురామలింగయ్యకి తన కూతురిని చిరంజీవికి ఇచ్చి పెళ్లి చేయవద్దని చెప్పినప్పటికీ తనలో ఓ గొప్ప నటుడు దాగి ఉన్నాడని ఎప్పటికైనా తన మంచి గుర్తింపు పొందుతాడని భావించిన అల్లు రామలింగయ్య చిరంజీవి సురేఖల వివాహం జరిపించారు.
ఇదిలా ఉండగా ఓ ఇంటర్వ్యూలో భాగంగా మెగాస్టార్ చిరంజీవి తన పెళ్లి గురించి ఎన్నో ఆసక్తికరమైన విషయాలను వెల్లడించారు. మెగాస్టార్ తన పెళ్లి సమయంలో తాతయ్య ప్రేమ లీలలు అనే సినిమాతో ఎంతో బిజీగా ఉన్నారు. ఈ సినిమా షూటింగ్ సమయంలో నూతన్ ప్రసాద్ ఎంతో బిజీగా ఉండటం వల్ల ఆయన షెడ్యూల్ కారణంగా పెళ్లిని వాయిదా వేసుకున్నామని అయితే నిర్మాత షూటింగ్ పోస్ట్ ఫోన్ చేసి పెళ్లికి గ్యాప్ ఇచ్చారని ఈ ఇంటర్వ్యూలో తెలియజేశారు.
చొక్కా మార్చుకోమ్మని చెప్పిన సురేఖ…
ఇకపోతే పెళ్లి పీటలపై తాళి కట్టే సమయంలో నా చొక్కా చిరిగిపోయిందని ఇదే విషయాన్ని సురేఖ తనకు తెలియజేసి చొక్కా మార్చుకొమ్మని సూచించారు. ఆ సమయంలో చొక్కా చిరిగిపోతే తాళికట్టలేనా అంటూ చిరిగిన చొక్కాతోనే సురేఖ మెడలో మూడు ముళ్లు వేశానని ఈ ఇంటర్వ్యూ సందర్భంగా మెగాస్టార్ చిరంజీవి తన పెళ్లిలో జరిగిన కొన్ని ఆసక్తికరమైన విషయాలు గురించి వెల్లడించారు.