Nikhil: త్వరలోనే ఆంధ్రప్రదేశ్ అసెంబ్లీ ఎన్నికలు జరగబోతున్నటువంటి తరుణంలో పెద్ద ఎత్తున ఎన్నికల హడావిడి నెలకొంది ఈ క్రమంలోని నామినేషన్ ప్రక్రియ కూడా పూర్తి కావడంతో ప్రతి ఒక్కరు కూడా ప్రచార కార్యక్రమాలను వేగవంతం చేశారు. అయితే ఈ ఎన్నికల ప్రచార కార్యక్రమాలలో భాగంగా కేవలం రాజకీయ నాయకులు మాత్రమే కాకుండా సినిమా సెలబ్రిటీలు కూడా పాల్గొంటున్న సంగతి తెలిసిందే.

ఇప్పటికే జనసేన పార్టీ స్టార్ క్యాంపైనర్లుగా పలువురు జబర్దస్త్ కామెడీగా పెద్ద ఎత్తున ప్రచార కార్యక్రమాలను నిర్వహిస్తున్నారు. ఈ క్రమంలోనే తెలుగుదేశం పార్టీ తరపున కూడా పలువురు సినీ సెలబ్రిటీలు ప్రచార కార్యక్రమాలను చేస్తూ కూటమి గెలుపుకు దోహదపడుతున్నారు. చీరాల అభ్యర్థిగా మాల కొండయ్య యాదవ్ టిడిపి నుంచి పోటీ చేస్తున్న సంగతి తెలిసిందే.

ఈ క్రమంలోనే ఈయన గురువారం నామినేషన్ వేశారు ఈ నామినేషన్ లో భాగంగా పెద్ద ఎత్తున ర్యాలీగా కొండయ్య బయలుదేరి వెళ్లారు అయితే ఈ ర్యాలీలో హీరో నిఖిల్ పాల్గొనడం విశేషం. ఇలా హీరో నిఖిల్ ఈ ర్యాలీలో పాల్గొనడమే కాకుండా చీరాలకు చిరునవ్వులు రావాలి అంటే కొండయ్య గెలవాలని ఆయనకు ఓట్లు వేసి గెలిపించాలని కోరారు.

కూటమికి మద్దతుగా నిఖిల్..
అయితే ఈయన పార్టీల పరంగా ప్రచార కార్యక్రమాలను నిర్వహించలేదని తెలుస్తుంది కొండయ్య పెద్ద కుమారుడు అమర్ నాథ్ స్వయానా నిఖిల్ సోదరిని వివాహం చేసుకోవడంతో వీరి మధ్య బంధుత్వం ఏర్పడింది. ఈ బంధుత్వం కారణంగానే నిఖిల్ ఎన్నికల ప్రచార కార్యక్రమాలలో పాల్గొన్నారని తెలుస్తుంది.