Ester Noronha: నటిగా, సింగర్ నోయల్ మాజీ భార్య గా పలు సినిమాలలో నటించి గుర్తింపు సంపాదించుకున్న నటి ఎస్తర్ గురించి ప్రత్యేకంగా పరిచయం అవసరం లేదు. ఈమె పలు సినిమాలలో నటించి టాలీవుడ్ ఇండస్ట్రీలో బాగా గుర్తింపు పొందారు.అయితే సినిమా ఇండస్ట్రీలో క్యాస్టింగ్ కౌచ్ ఉంటుంది అనే సంగతి మనకు తెలిసిందే.ఈ క్రమంలోనే ఒక ఇంటర్వ్యూలో పాల్గొన్న ఈమె కాస్టింగ్ కౌచ్ గురించి సంచలన వ్యాఖ్యలు చేశారు.
ఈ సందర్భంగా ఎస్తర్ కి క్యాస్టింగ్ కౌచ్ గురించి పలు ప్రశ్నలు ఎదురయ్యాయి. మీరు కూడా క్యాస్టింగ్ కౌచ్ ఇబ్బందులను ఎదుర్కొన్నారా అంటూ ప్రశ్నించగా ఈమె షాకింగ్ కామెంట్ చేశారు. తనకి కూడా ఇండస్ట్రీలో వచ్చిన మొదట్లో క్యాస్టింగ్ కౌచ్ ఇబ్బందులు ఎదురయ్యాయని తెలిపారు.
తన దగ్గరికి డైరెక్టర్లు ప్రొడ్యూసర్లు నేరుగా వచ్చి అడగలేదని ఇండైరెక్ట్ గా మేనేజర్లను పంపించి మీరు కొంచెం పద్ధతిగా ఆడపిల్ల లాగా ప్రవర్తించండి, కాస్త ఫ్రెండ్లీగా మూవ్ అండి, కెరీర్ బాగుంటుంది చూడండి అంటూ తనకు క్యాస్టింగ్ కౌచ్ ఇబ్బందులు ఎదురయ్యాయని ఈమె తెలిపారు.
అందరినీ మోసం చేసినట్లే…
అయితే మనం అవకాశాల కోసం ఇలాంటి వాటికి ఒప్పుకుంటే మనం ఎంతో మందిని మోసం చేసినట్లేనని ఈ సందర్భంగా ఈమె తెలియజేశారు.మనం చిన్నప్పటి నుంచి మనల్ని పెంచి పెద్ద చేసిన తల్లిదండ్రులు అలాగే మనకు సినిమా ట్రైనింగ్ ఇచ్చిన గురువులను కూడా మనం మోసం చేసినట్లేనని ఈ సందర్భంగా ఈమె తెలిపారు. ఒకసారి మనం ఇండస్ట్రీ లోకి అడుగుపెట్టిన తర్వాత నటిగా మనం గుర్తింపు పొందినట్లే, మనలో టాలెంట్ చూసి అవకాశాలు వాటంతట అవే వస్తాయి కానీ ఇలా అవకాశాల కోసం కమిట్మెంట్ ఇవ్వకూడదని ఈమె వెల్లడించారు.