Hyper Aadi: ఎలాంటి సినీ బ్యాగ్రౌండ్ లేకపోయినా కేవలం తన టాలెంట్ తో ఇండస్ట్రీలో అవకాశాలను అందుకుని ప్రస్తుతం ఇండస్ట్రీలో ఎంతో బిజీగా గడుపుతున్న ఎంతో మంది సెలెబ్రెటీలలో హైపర్ ఆది ఒకరు. ఒక సాధారణ కుటుంబంలో జన్మించిన హైపర్ ఆది చదువు పూర్తి కాగానే అవకాశాల కోసం హైదరాబాద్ వచ్చారు. ఈ క్రమంలోనే తనలో ఉన్న టాలెంట్ ను ఒక వీడియో రూపంలో చిత్రీకరించి దానిని అదిరే అభికి పంపించారు.

ఇలా అభి ద్వారా జబర్దస్త్ కార్యక్రమంలోకి ఎంట్రీ ఇచ్చిన హైపర్ ఆది అతి తక్కువ సమయంలోనే విపరీతమైన క్రేజ్ ఏర్పరచుకున్నారు. తన అద్భుతమైన కామెడీ టైమింగ్ తో అభి టీంలో ఉన్నటువంటి హైపర్ ఆది ఏకంగా టీం లీడర్ అయ్యారు. ఇక ఈయన అతి తక్కువ సమయంలోనే విపరీతమైన క్రేజ్ సంపాదించుకోవడమే కాకుండా ఒక్కో ఎపిసోడ్ కి లక్షలలో రెమ్యూనరేషన్ తీసుకునేవారు.

హైపర్ ఆది తన చదువును పూర్తి చేసుకొని ఉన్న ఊరిలో తన పొలాన్ని అమ్మడమే కాకుండా 20 లక్షల అప్పుతో హైదరాబాద్ వచ్చారు.అయితే జబర్దస్త్ కార్యక్రమం ద్వారా భారీగా సంపాదించిన హైపర్ ఆది తాను అమ్మిన పొలాన్ని కొనడమే కాకుండా తన తండ్రికి ఉంగరాలు అంటే ఎంతో ఇష్టం అని ఏకంగా తన పది చేతి వేళ్లకు పది ఉంగరాలు కొనిచ్చినట్టు ఓ సందర్భంలో వెల్లడించారు.

హైదరాబాదులో ఖరీదైన ఇంటిని కొన్న ఆది…

ఈ విధంగా హైపర్ ఆది తన సొంత గ్రామంలో 16 ఎకరాలు పొలం కొనడమే కాకుండా హైదరాబాదులో ఖరీదైన ఇంటిని కొనుగోలు చేశారు.ఈ విధంగా హైపర్ ఆది జబర్దస్త్ కార్యక్రమం ఇతర కార్యక్రమాల ద్వారా సందడి చేస్తూ భారీగానే సంపాదించారు. ఇలా ఈయన ఏడాదికి సుమారు కోటి రూపాయలకు పైగా సంపాదిస్తారని తెలుస్తోంది. జబర్దస్త్ కార్యక్రమం ద్వారా గుర్తింపు పొందిన హైపర్ ఆది ప్రస్తుతం ఈ కార్యక్రమానికి దూరమయ్యారు. అయితే ఈయన దూరం కావడానికి గల కారణం మాత్రం తెలియడం లేదు.