Sai Pallavi: సినిమాల్లో ఎన్ని సాంగ్స్ ఉన్నా ఐటెం సాంగ్స్ ఉన్న ప్రత్యేకతే వేరు. ఐటెం సాంగ్ ఓ రేంజ్ ఉంటే సగం సినిమా హిట్ అయినట్లే అని భావించే రోజులివి. ముఖ్యంగా పేరున్న హీరోయిన్ సాంగ్ చేసిందా… ఆ పాటకు విపరీతంగా క్రేజ్ ఏర్పడుతుంది.
హిందీలో చాలా రోజుల నుంచి హీరోయిన్లు ఐటెం సాంగ్ లు చేస్తున్నారు. తాజాగా తెలుగులో కూడా ఐటెం సాంగ్స్ కి పేరున్న హీరోయిన్లను రికమండ్ చేస్తున్నారు. తాజాగా పుష్ప సినిమాలో సమంత చేసిన ఐటెం సాంగ్ ’’ఊ అంటావా మావా..ఊఊ అంటావా..‘‘ ఎంత హిట్టయిందొ అందరికి తెలుసు. ఈ సాంగ్లో సమంత అందాలు, దేవీ శ్రీప్రసాద్ మ్యూజిక్ కలిసి సాంగ్ పెద్ద హిట్ అయింది.
అయితే ఐటెం సాంగ్స్ ట్రెండ్స్ కొనసాగుతున్న ఈసమయంలో సాయి పల్లవి ఐటెం సాంగ్స్ పై కీలక కామెంట్లు చేసింది. అయితే ఇటీవల నానితో నటించిన శ్యాంసింగరాయ్ సినిమా ప్రమోషన్లలో సాయిపల్లవి సందడి చేసింది. సినిమాను హిట్ చేసేందుకు శ్యాంసింగరాయ్ సినిమా యూనిట్ పెద్ద ఎత్తున ప్రమోషన్లను చేసింది. అయితే ఈ సమయంలో సాయిపల్లవికి ఐటెం సాంగ్స్ ఆఫర్ వస్తే ఏం చేస్తుందనే క్వశ్చన్ ఎదురైంది.
‘స్కిన్ షో నాకు నచ్చదు’..
అయితే ఈ ప్రశ్నకు అమ్మడు తన దైన శైలిలో సమాధానం ఇచ్చింది. నాకు డ్యాన్స్ అంటే ఇష్టం అని.. అయితే సాంగ్స్ కు డ్యాన్స్ చేయడం వేరు. ఐటెం సాంగ్స్ కు డ్యాన్స్ చేయడం వేరని.. ఐటెం సాంగ్స్ లో స్కిన్ షో తప్పదని, అది నాకు నప్పదని చెప్పేసింది. కాజల్, సమంత, తమన్నాలా నేను ఐటెం సాంగ్స్ చేయలేనని కుండ బద్దలు కొట్టేసింది సాయిపల్లవి.