Imandi Ramarao : ప్రస్తుతం టాలీవుడ్ లో హాట్ టాపిక్ ఆర్ఆర్ఆర్ సినిమాలో ‘కొమరం భీముడో’ పాత్రకు ఎన్టీఆర్ ఆస్కార్ బరిలో నిలవబోతున్నాడు అంటూ హాలీవుడ్ మ్యాగజైన్ వెరైటీ ప్రచురించిన కథనం. ఇక దీన్ని కొంతమంది యాంటీ ఫ్యాన్స్ ఫేక్ అంటూ కొట్టిపారేస్తుంటే మరి కొంతమంది మంది మాత్రం ఎన్టీఆర్ కి ఆస్కార్ వస్తే ఇండియన్ సినిమాకు అది గర్వకారణం అంటూ మాట్లాడుతున్నారు. నిజానికి ఆర్ఆర్ఆర్ సినిమా వెస్ట్రన్ ఆడియన్స్ ని కూడా బాగా అలరించింది. ఆస్కార్ బరిలో ఈసారి ఆర్ఆర్ఆర్ సినిమా ఏదో ఒక కేటగిరి లో అవార్డు సంపాదిస్తుంది అంటూ ప్రచారం జరుగుతోంది. అయితే ఇందులో నిజమెంతున్నా నిజంగా ఒక తెలుగు యాక్టర్ కి అవార్డు వస్తే అందరూ గొప్పగా ఫీల్ అవ్వాలి కానీ ఇలా ట్రోల్ల్స్ చేయడం ఏంటి అంటూ ఇమంది రామారావు గారు స్పందించారు.
హాలీవుడ్ లో పెయిడ్ ప్రొమోషన్స్…
ఒక హీరో గురించి కానీ, ఆర్టిస్ట్ గురించి కానీ మంచి విషయం సోషల్ మీడియాలో వైరల్ అయిందంటే ఈ మధ్య కాలంలో యాంటీ ఫ్యాన్స్ చేస్తున్న పని పెయిడ్ ప్రొమోషన్స్ అంటూ మాట్లాడటం. ఇదే పని ఎన్టీఆర్ విషయంలో కూడా చేస్తున్నారు. హాలీవుడ్ పత్రిక ఆస్కార్ నామినేషన్ లో ఎన్టీఆర్ ఉండే అవకాశం ఉంది అంటూ ఆసియా మొత్తానికి అతని పేరును ప్రచురిస్తే అది పెయిడ్ ప్రొమోషన్స్ అంటూ మాట్లాడటం మూర్ఖత్వంకు పరాకాష్ట. రేపటిరోజున నిజంగా ఆస్కార్ అవార్డు గనుక ఎన్టీఆర్ కి వస్తే అది కూడా కొనుక్కున్నాడు అని ట్రోల్ చేస్తారా… అంటూ ఫైర్ అయ్యారు.
‘బాల రామాయణం’ సమయం నుండి ఇప్పటి ఆర్ఆర్ఆర్ వరకు ఎన్టీఆర్ ను చూస్తూ వస్తున్నాం, ఎంత పేరు తెచ్చుకున్నాడో అది కష్టపడితే వచ్చింది ఊరికే రాలేదు అంటూ మాట్లాడారు. అయినా ఆస్కార్ వచ్చినా రాకపోయినా ప్రపంచ వ్యాప్తంగా ఆస్కార్ కు వెళ్లే అర్హత ఉన్న నటుడు అంటూ తన పేరు వినపడింది కదా అది చాలు గొప్ప నటుడుని ప్రపంచవ్యాప్తంగా తెలిసింది అంటూ చెప్పారు. ఇక ట్రోల్ల్స్ గురించి మాట్లాడుతూ ఇలా ఏ హీరో విషయం లో జరిగినా ఆక్షేపనీయం అని చెప్పారు. ఒక హీరోకి మంచి గుర్తింపు వస్తోందంటే ట్రోల్ల్స్ చేయడం, నెగెటివ్ కామెంట్స్ చేయడం ఏంటి, మన వాళ్లకు వచ్చిందని ఆనంద పడొచ్చుకదా అంటూ మాట్లాడారు. ఆస్కార్ ల విషయాల్లో కూడా కులం కార్డు తీయడం ఏంటి అంటూ ఫైర్ అయ్యారు.