Balakrishna: అభిమాని ఇంటికి వెళ్లి తనని సర్ప్రైజ్ చేసిన బాలయ్య.. కన్నీటి పర్యంతరమైన అభిమాని!

Balakrishna: బాలకృష్ణ అంటే ఆయనకు చాలా కోపం ఎక్కువ, ఆయన తొందరగా అభిమానులపై చేయి చేసుకుంటారని అందరూ అనుకుంటారు. కానీ అది పూర్తిగా తప్పని ఎన్నోసార్లు ఈయన నిరూపించారు. బాలకృష్ణ మనసు చాలా మంచిదని ఆయన మనస్తత్వం ఎంతో సున్నితంగా ఉంటుందని బాలయ్య ఎన్నోసార్లు ఈ విషయాన్ని నిరూపించారు. ఇకపోతే తాజాగా బాలకృష్ణ తన నియోజకవర్గం హిందూపూర్ లో పర్యటించారు.

ఈ క్రమంలోనే తన నియోజకవర్గంలోని ప్రజలు ఆరోగ్య పరిస్థితులను దృష్టిలో ఉంచుకొని ఏకంగా ఈయన ఎన్టీఆర్ ఉచిత ఆరోగ్య రథం అనే కార్యక్రమం ద్వారా మొబైల్ వాహనాన్ని ఏర్పాటు చేశారు. ఈ మొబైల్ వాహనం ద్వారా దాదాపు 200 రకాల వైద్య నిర్ధారణ పరీక్షలు ఉచిత నిర్వహించి మందులను కూడా ఉచితంగా ప్రజలకు సరఫరా చేయనున్నారు. ఈ క్రమంలోనే తన భార్య వసుంధరతో కలిసి ఈ ఆరోగ్య రథ వాహనాన్ని ప్రారంభించారు.

ఈ కార్యక్రమం అనంతరం బాలకృష్ణ హిందూపురంలోనే తన అభిమాని ఇంటికి వెళ్లి ఒక్కసారిగా ఆయనను సర్ప్రైజ్ చేశారు. ఇలా స్వయంగా అభిమాని ఇంటికి వెళ్లారంటే అతను టిడిపి నేతనో లేకుంటే బాలకృష్ణ అభిమాన సంఘాల నేత మాత్రం కాదు. ఒక సాధారణ బాలకృష్ణ అభిమాని మాత్రమే.ఇలా బాలకృష్ణ ఒక సాధారణ అభిమాని ఇంటికి తన హోదా పరపతి పక్కన పెట్టి ఆయన ఇంటికి వెళ్లి తనని సర్ప్రైజ్ చేశారు.

Balakrishna: అభిమానికి పుట్టినరోజు శుభాకాంక్షలు తెలిపిన బాలయ్య..

ఈ విధంగా బాలకృష్ణ ఆ ఇంటికి వెళ్లడానికి ఓ కారణముంది.బాలకృష్ణ హిందూపురంలో పర్యటించిన రోజు తన అభిమాని పుట్టినరోజు అని తెలుసుకోవడంతో బాలయ్య స్వయంగా ఆ ఇంటికి వెళ్లి తన అభిమానిని ఆశీర్వదించి తనకు పుట్టినరోజు శుభాకాంక్షలు తెలిపారు. ఇలా బాలకృష్ణ స్వయంగా తన ఇంటికి వెళ్లి తనకు పుట్టినరోజు శుభాకాంక్షలు తెలపడంతో అసలు సిసలైన పుట్టినరోజు ఈరోజు అంటూ అభిమాని ఎమోషనల్ అవుతూ బాలకృష్ణకు శాలువా కప్పి సత్కరించారు.ఇక ఇది తెలిసిన అభిమానులు ఇదే కదా బాలయ్య అంటే అంటూ పెద్ద ఎత్తున అభిమాన హీరో పై ప్రశంసలు కురిపిస్తున్నారు.