Prabhas: టాలీవుడ్ పాన్ ఇండియా స్టార్ హీరో ప్రభాస్ ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు. ఇక ప్రభాస్ వరుస సినిమాలలో నటిస్తూ కెరియర్ పరంగా బిజీ అయినప్పటికీ తన వ్యక్తిగత జీవితం గురించి ఆలోచించలేదని ముఖ్యంగా పెళ్లి గురించి ఏమాత్రం పట్టించుకోవడంలేదని అభిమానులు తెగ ఫీల్ అయ్యారు.

ఇకపోతే ఇటీవల ప్రభాస్ త్వరలోనే తన జీవితంలోకి ఒక స్పెషల్ పర్సన్ రాబోతున్నారు వెయిట్ చేయండి అంటూ ఒక పోస్ట్ చేశారు. ప్రభాస్ ఇలా పోస్ట్ చేశారు అంటే తప్పనిసరిగా ఆయన తన పెళ్లి గురించి పోస్ట్ చేసి ఉంటారని అందరూ భావించారు. అయితే తాజాగా ప్రభాస్ ఆ పోస్ట్ చేసింది పెళ్లి గురించి కాదని తన సినిమా అప్డేట్ ఇవ్వడం కోసం చేశారని తెలిసి అందరూ నిరుత్సాహం వ్యక్తం చేస్తున్నారు.

ప్రభాస్ నటించిన కల్కి సినిమా త్వరలోనే ప్రేక్షకుల ముందుకు రాబోతున్న సంగతి మనకు తెలిసిందే. ఈ సినిమా జూన్ 27వ తేదీ విడుదల కానున్న నేపథ్యంలో సినిమాకు సంబంధించిన అప్డేట్స్ విడుదల చేస్తున్నారు. ఈ తరుణంలోని ప్రభాస్ కూడా సినిమాకు సంబంధించిన అప్డేట్ ఇచ్చారని తెలుస్తోంది.

బుజ్జి..
ఈ సినిమాలో ప్ర‌భాస్‌తో పాటు ఓ మెషిన్ ఉంటుంద‌ట‌. దాని పేరు బుజ్జి అంట‌. స‌ద‌రు బుజ్జిని నేడు (మే18 శ‌నివారం) సాయంత్రం 5 గంట‌ల‌కు ప‌రిచ‌యం చేయ‌నున్న‌ట్లు తెలియ‌జేశారు. మ‌రీ ప్రభాస్ బుజ్జి ఎవరు అనేది తెలియాలి అంటే మనం కూడా ఎదురు చూడాల్సిందే. అయితే ఈ విషయంలో మాత్రం అభిమానులు కాస్త నిరుత్సాహం వ్యక్తం చేశారనే చెప్పాలి.