CPI Narayana: బిగ్ బాస్ రియాల్టీ షో ఎంత పాపులర్ అయిందో అంత కంటే ఎక్కువగా వివాదాలకు కేరాఫ్ అడ్రస్ గా మారుతోంది. బిగ్ బాస్ రియాల్ట షో అనేది దేనికి ఉపయోగపడదని సీపీఐ నేత నారాయణ విమర్శించారు. పూర్తి వివరాల్లోకి వెళ్తే..

బిగ్ బాస్ సీజన్ 6 కు సంబంధించి ఇప్పటికే అప్ డేట్ వచ్చేసింది. దీనిలో పాల్గొనే వ్యక్తుల పేర్లు కూడా కొన్ని వినిపిస్తున్నాయి. అందులో ముఖ్యంగా టిక్ టాక్ దుర్గారావు, ర‌ఘుమాస్ట‌ర్, సిరి హ‌న్మంత్ బాయ్ ఫ్రెండ్ శ్రీహాన్ స‌హా మ‌రికొంద‌రు పేర్లు వినిపిస్తున్నాయి.

అయితే ఈ సారి ఈ షోను ఓటీటీలో ప్రసారం కానుండగా .. ఓటీటీలో 24 గంట‌ల పాటూ ప్ర‌సారం చేయ‌బోతున్న‌ట్టు అనౌన్స్ చేశారు. ప్రస్తుతం కంటెస్టెంట్ల ఎంపిక జరుగుతోంది. దీని హోస్ట్ నాగార్జునపై నారాయణ ఓ రేంజ్ లో రెచ్చిపోయాడు.

మాసిన గడ్డంతో ఉంటారనే భ్రమలో ..

గతంలో నారాయణ ఎన్నో సార్లు కామెంట్లు చేసిన సంగతి తెలిసిందే. అది బిగ్ బాస్ షో కాద‌ని బ్రోత‌ల్ హౌస్ అని నారాయ‌ణ ఆరోపించారు. తాజాగా మరో సారి నాగార్జునపై మండిపడ్డాడు. నాగార్జున అంటే కోపం లేదని.. కానీ అతడంటే అసహ్యం అంటూ వ్యంగ్యంగా విమర్శించాడు. పెళ్లి ఎవరిని చేసుకుంటావ్.. డేటింగ్ ఎవ‌రితో చేస్తావ్…. ఇలాంటి మాటలేనా.. బిగ్ బాస్ అంటే అంటూ మండిపడ్డాడు. అంతే కాకుండా.. అతడు ఓ కార్యక్రమానికి వెళ్లినప్పుడు దండం పెట్టే ఫొటోలను ట్రోల్స్ చేశారని అన్నారు. కమ్యూనిస్టులు అంటే.. మాసిన గడ్డంతో ఉంటారనే భ్రమలో ఉన్నారని.. అది ఏ మాత్రం కరెక్ట్ కాదని వ్యాఖ్యానించారు. ఎంతో మందికి కమ్యూనిస్టు భావాలు ఉన్నాయని.. అందులో చిన జీయర్ కూడా ఉన్నారన్నారు. ప్రస్తుతం అతడి వ్యాఖ్యలు వైరల్ గా మారాయి.