Jabardasth Auto Ram Prasad : జబర్దస్త్ ద్వారా ఎంతో మంది కమెడియన్స్ లైంలైట్ లోకి వచ్చారు. సినిమా ఇండస్ట్రీలో అవకాశాలను అందుకుని కెరీర్ లో ముందుకు వెళ్తున్నారు. ఇది ఒక కోణం అయితే మరో కోణం కొంతమంది జబర్దస్త్ కమెడియన్స్ జబర్దస్త్ ద్వారా నుండి నేమ్, ఫేమ్ సంపాదించుకున్న తరువాత జబర్దస్త్ నుండి వెళ్లిపోయినవారు ఉన్నారు. మొదటి నుండి జబర్దస్త్ లో ఉండి సినిమా అవకాశాలు వినియోగించుకుంటూనే మరో వైపు జబర్దస్త్ అలాగే శ్రీ దేవి డ్రామా కంపెనీ అంటూ షోస్ చేసుకుంటున్న కమెడియన్ రామ్ ప్రసాద్. ఆటో పంచుల పేరుతో రామ్ ప్రసాద్ వేసే పంచులకు మంచి పేరుంది. రైటర్ గా మంచి పంచులను తన స్కిట్స్ లో రాసే ప్రసాద్ కి ఈ మధ్య ఆరోగ్యం బాగోలేదని సోషల్ మీడియాలో పలు కథనాలు వచ్చాయి. వాటి పైన రామ్ ప్రసాద్ స్పందించారు.

అందుకే అలా రూమర్స్ వచ్చాయి…

రామ్ ప్రసాద్ కి బ్రెయిన్ ట్యూమర్ వచ్చిందంటూ ఏవేవో వార్తలను సోషల్ మీడియాలో అల్లేసిన నేపథ్యంలో అసలు ఏం జరిగిందో ఆయన వివరించారు. కిర్రాక్ ఆర్పీ నెల్లూరు పెద్దారెడ్డి చేపల పులుసు మణికొండ బ్రాంచ్ ఓపెనింగ్ కి వచ్చిన రామ్ ప్రసాద్ తన ఆరోగ్యం గురించి మాట్లాడారు. తనకు ఎలాంటి హెల్త్ ఇష్యూ లేదని కేవలం హెయిర్ ట్రాన్స్ప్లాంటేషన్ చేయించుకున్నానని, దాన్ని తీసుకుపోయి బ్రెయిన్ ట్యూమర్ అంటూ కథలు అల్లేసారని చెప్పారు.

సోషల్ మీడియాలో ముఖ్యంగా యూట్యూబ్ లో థంబ్ నైల్స్ చూసి మోసపోకండి అంటూ చెప్పారు. థంబ్ నైల్స్ లో ఒకటి రాసుంటుంది ఓపెన్ చేస్తే వేరే ఉంటుంది, వ్యూస్ కోసం నాకు బ్రెయిన్ ట్యూమర్ అంటగట్టారు అంతే. నేను జబర్దస్త్ చేస్తూ మరో వైపు సినిమాల్లోను బిజీగా ఉన్నానంటూ రామ్ ప్రసాద్ తెలిపారు.