Jabardasth Vinod : జబర్దస్త్ ద్వారా ఎంతో మంది కమెడియన్స్ లైంలైట్ లోకి వచ్చారు. సినిమా ఇండస్ట్రీలో అవకాశాలను అందుకుని కెరీర్ లో ముందుకు వెళ్తున్నారు. ఇది ఒక కోణం అయితే మరో కోణం కొంతమంది జబర్దస్త్ కమెడియన్స్ జబర్దస్త్ ద్వారా నేమ్ ఫేమ్ సంపాదించుకున్నా ఆ తరువాత జబర్దస్త్ నుండి వెళ్లిపోయినవారు ఉన్నారు. మొదటి నుండి జబర్దస్త్ అనగానే బాగా ఫేమస్ అయింది మాత్రం లేడీ గేటప్స్ వేసే వినోదిని, సాయి, పావని వంటి వారు మంచి పేరు గుర్తింపు సంపాదించుకున్నారు. ముఖ్యంగా వీరిలో వినోద్ ను అందరూ అమ్మాయి అనే అనుకుని పొరపాటు పడ్డారు. చమ్మక్ చంద్ర టీంలో చంద్ర కి పెయిర్ గా ఎన్నో స్కిట్స్ చేసిన వినోద్ జబర్దస్త్ కి క్వీన్ అని చెప్పొచ్చు. అయితే ప్రస్తుతం జబర్దస్త్ వినోద్ అనారోగ్యంతో బరువు తగ్గి ఇపుడిపుడే కోలుకుంటున్నాడు.
లేడీ గెటప్ పై నా భార్య ఏమందంటే…
జబర్దస్త్ లో ఎంతో మంది లేడీ గెటప్ లు వేసినా బాగా పాపులర్ అయింది మాత్రం వినోదే. వినోదిని గా చమ్మక్ చంద్ర గ్రూప్లో అలరించిన వినోద్ అమ్మాయిలు కూడా అంత గ్లామరస్ గా ఉండరెమో అనేలా ఉంటాడు. జబర్దస్త్ మెయిన్ కమెడియన్స్ ఎంత పేరు తెచ్చుకున్నారో వినోద్ కూడా అంతే గుర్తింపు తెచ్చుకున్నాడు. ఇక తన పెళ్లి అయ్యేవరకు వినోద్ లేడీ గేటుప్స్ వేస్తాడు కాబట్టి తేడా అనే మాటలు వినిపించేవి. ఇక పెళ్లి చేసుకున్నపుడు తన భార్య దగ్గర కూడా ఇలాంటివే మాట్లాడారంటూ వినోద్ రీసెంట్ ఇంటర్వ్యూలో మాట్లాడాడు. నా భర్త ఏంటో నాకు తెలుసు మీకు నేను ప్రూవ్ చేయాల్సిన పని లేదు అంటూ వినోద్ గురించి తప్పుగా మాట్లాడిన వాళ్ళ నోర్లు మూయించిదట వినోద్ భార్య.
ఇక ప్రస్తుతం లంగ్స్ ఇన్ఫెక్షన్ నుండి కోలుకున్న వినోద్ తనకు ఆరోగ్యం బాగోలేనప్పటి పరిస్థితుల గురించి మాట్లాడుతూ చుట్టూ నా దగ్గర ఉన్నవాళ్లు బాగా ధైర్యం చెప్పారంటూ చెప్పాడు. ఇక వినోద్ వాళ్ళ అమ్మ బాగా ఏడ్చింది కానీ వినోద్ ముందు ఏడిస్తే భయపడతాడు అని వినోద్ తో మాట్లాడటం మానేసిందట. ఫోన్ ఎపుడో ఒకసారి చేసి ఎలా ఉన్నావ్ అని అడుగుతారట. చికిత్స కోసం బాగానే ఖర్చు అయినా నా కుటుంబాన్ని నేను పోషించుకోగలను, ఎవరి ముందర చేయి చాప్పాల్సిన పని లేదు అంటూ వినోద్ తెలిపారు. తాను మందులు వాడుతూనే ప్రస్తుతం మళ్ళీ పని చేయాలని అనుకుంటున్నట్లు చెప్పాడు. మళ్ళీ ఈవెంట్స్ కి వెళ్ళడానికి సిద్ధమవుతున్నట్లు తెలిపాడు.