Mahesh Babu: పరశురామ్ దర్శకత్వంలో మహేష్ బాబు, కీర్తి సురేష్ జంటగా నటించిన చిత్రం సర్కారీ వారి పాట. ఈ సినిమా మే 12వ తేదీ ప్రేక్షకుల ముందుకు రానుంది. ఈ క్రమంలోనే ఈ సినిమా ప్రమోషన్ కార్యక్రమాలలో మొదలుపెట్టారు.ఈ ప్రమోషన్ కార్యక్రమాలలో భాగంగా ఈ సినిమా ట్రైలర్ విడుదల చేశారు.ఈ ట్రైలర్ లో భాగంగా మహేష్ బాబు ఏపీ ముఖ్యమంత్రి జగన్ డైలాగ్ చెప్పడం హైలెట్ గా మారింది.
ఈ ట్రైలర్ విడుదలైన అతి తక్కువ సమయంలోనే రికార్డు స్థాయిలో వ్యూస్ సాధించుకోవడం చూస్తుంటే తప్పనిసరిగా సినిమా బ్లాక్ బస్టర్ హిట్ అని చెప్పవచ్చు. ఇక ఈ ట్రైలర్ లో భాగంగా మహేష్ బాబు చెప్పిన డైలాగ్ నేను ఉన్నాను… నేను విన్నాను అనే డైలాగ్ ట్రైలర్ కి హైలెట్ అయ్యింది.
2019 సార్వత్రిక ఎన్నికలలో భాగంగా ఎన్నికల ప్రచారంలో ముఖ్యమంత్రి జగన్మోహన్ రెడ్డి పెద్ద ఎత్తున డైలాగ్ ఉపయోగించారు. ఈ ఒక్క డైలాగ్ అతని విజయానికి కీలకంగా మారిందని చెప్పాలి. ఈ క్రమంలోనే మహేష్ బాబు తన సినిమాలో జగన్ డైలాగ్ పెట్టుకోవడానికి గల కారణం ఏమిటి అంటూ నెటిజన్లు పెద్దఎత్తున కామెంట్లు చేస్తున్నారు.
అంచనాలను పెంచిన ట్రైలర్…
మహేష్ బాబు జగన్ పై ఉన్న అభిమానంతో తన సినిమాలో ఈ డైలాగ్ పెట్టుకున్నారా? లేక తన పై సెటైర్ వేస్తున్నారా? అంటూ నెటిజన్లు కామెంట్ చేస్తున్నారు. ఇక మహేష్ బాబు సినిమాలో కామెడీ టైమింగ్, అదిరిపోయిందని ట్రైలర్ చెబుతోంది. మొత్తానికి ఈ సినిమా నుంచి విడుదల చేసిన ఈ ట్రైలర్ సినిమాపై అంచనాలను పెంచింది.