Naveen Polishetty: ‘జాతి రత్నాలు’ సినిమాతో భారీ హిట్ కొట్టాడు నవీన్ పోలిశెట్టి. తనదైన కామెడీతో జాతి రత్నాలు సందడి చేశాడు. బాక్సాఫీస్ వద్ద ఈసినిమా భారీ విజయాన్ని దక్కించుకుంది. ‘ఏజెంట్ సాయి శ్రీనివాస ఆత్రేయ’ ఈ సినిమాతో హీరోగా తన కెరీర్ను స్టార్ట్ చేశాడు. మొదటి సినిమాతోనే తనేంటో నిరూపించుకున్నాడు. జాత రత్నాలు తర్వాత వరసగా సినిమాలు కమిట్ అవుతున్నాడు.
ఇటీవల ప్రభాస్ నటించిన ‘రాధేశ్యాం’ సినిమా ప్రీ రిలీజ్ ఈవెంట్ కి హోస్ట్ గా వ్యవహరించి అందరినీ ఆకట్టుకున్నాడు. కాగా జాతి రత్నాలు విడుదలై దాదాపుగా ఏడాది కావస్తుంది. అప్పటి నుంచి కొత్తగా ఏ సినిమాతో ముందుకు రాలేదు నవీన్ పొలిశెట్టి. హీరో కాకముందు లైఫ్ ఈజ్ బ్యూటీఫుల్ సినిమాలో కీలక రోల్ లో కనిపించాడు.
చిచ్చోరే సినిమాలో సుశాంత్ రాజ్ పుత్ పక్కన అని ఫ్రెండ్ గా కనిపించాడు. ఆ సినిమాలో కూడా తన నటనతో ప్రేక్షకులకు కామెడీ పంచాడు. తాజాగా తన కొత్త సినిమా టీజర్ ఇటీవల రిలీజ్ చేశాడు. ‘అనగనగా ఒక రాజు’ సినిమాతో ప్రేక్షకులు ముందుకు రాబోతున్నాడు.
సోషల్‌ మీడియాలో అదిరిపోవాలని..
నవీన్ హీరోగా కళ్యాణ్ శంకర్ దర్శకత్వంలో ఓ సినిమా తెరకెక్కుతోంది. ఈ సినిమాను ప్రముఖ నిర్మాణ సంస్థ సితార ఎంటర్ టైన్ మెంట్స్ ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. తాజాగా సంక్రాంతి కానుకగా ఈ సినిమా టీజర్ విడుదలైంది. టీజర్ లో తనదైన శైలిలో నవ్వులు పూయించాడు నవీన్. తన ఆహర్యం, డైలాగ్ డెలవరీతో అదుర్స్ అనిపిస్తున్నాడు. తన పెళ్లికి సంబంధించి గొప్పలు చెబుతూ.. ప్రేక్షకులకు వినోదాన్ని పంచబోతున్నాడు. తన పెళ్లికి తీసే ఫొటోలు సోషల్‌ మీడియాలో అదిరిపోవాలని, కత్రీనా, విక్కీ కౌశల్‌ కుళ్లుకోవాలని చెప్పడం సరదాగా ఉంటుంది. ‘నేను చెప్పకూడదు కానీ, ఈ డికెడ్‌లో అలరించే కార్యక్రమం ఇదే. థియేటర్లలో మీరే చూస్తారుగా’ అంటూ వీడియో ముగించారు. తాజాగా ఈ టీజర్ మంచి వ్యూస్ దక్కించుకుంటోంది.