Kiran Abbavaram : ఎస్ ఆర్ కల్యాణ మండపం, సెబాస్టియన్ వంటి సినిమాలతో ఓ మోస్తారు గుర్తింపు తెచ్చుకున్న హీరో కిరణ్ అబ్బవరం. చేతి నిండా సినిమాలతో అప్ కమింగ్ సక్సెస్ అయ్యే హీరోలలో ఒకడిగా ఉన్న కిరణ్ అబ్బవరం సోషల్ మీడియాలో మంచి ఫాలోయింగ్ మెయిన్ టైన్ చేస్తున్నాడు. 2019లో రాజావారు రాణి వారు సినిమాతో ఇండస్ట్రీకి పరిచయమైన కిరణ్, ఆ తరువాత చాలా షార్ట్ ఫిలిమ్స్ చేసి గుర్తింపు కోసం కష్టపడ్డాడు. తాజాగా వినరో భాగ్యము విష్ణు కథ సినిమాతో వచ్చాడు.
నీకింత బిల్డ్ అప్ అవసరమా…..
ఇక కిరణ్ నటించిన లేటెస్ట్ సినిమా సమ్మతమే జూన్ 24న విడుదలకు సిద్ధమైంది. జులై 5 1990 కడప జిల్లా రాయచోటిలో జన్మించాడు. తాజాగా కిరణ్ కి సంబంధించిన ఒక వీడియో తెగ వైరల్ అవుతు ట్రోల్ కి గురవుతోంది. ఆ వీడియోలో కిరణ్ హైదరాబాద్ లోని షూటింగ్ స్పాట్ లో మేకప్ వేసుకుని నడుచుకుని వెళ్తుండగా వెనుక గొడుగు పట్టుకుని అసిస్టెంట్ వెళ్తుంటాడు.
ఇంస్టాగ్రామ్ లో రీల్ చేసినా ఈ వీడియోకు చాలా కామెంట్స్ వచ్చాయి. నీకింత అవసరమా బ్రో అంటూ కొంతమంది అంటుంటే… నేనింకా మహేష్ బాబు అనుకున్న నువ్వా అంటుంటే మరికొంత మంది ప్రమోషన్స్ స్టార్ అంటూ ట్రోల్ చేస్తున్నారు. ఏంటి ఈడికి గొడుగు పట్టాలా అంతుందా ఏంటి అంటూ మరో నెటిజన్ కామెంట్ చేశారు. ఏదేమైనా నెగెటివో, పాజిటివో ఏదో ఒక పబ్లిసిటీ అయితే వస్తుంది కదా అది చాలు అన్నట్లు ఉన్నారు నేటి సెలబ్రిటీలు.