Kiran Abbavaram: రాజావారు రాణివారు సినిమా ద్వారా తెలుగు ప్రేక్షకులకు పరిచయమయ్యారు నటుడు కిరణ్ అబ్బవరం. సినిమాలపై ఆసక్తి ఉండడంతో వృత్తిపరంగా ఇంజనీర్ అయినటువంటి ఈయన తన ఉద్యోగాన్ని వదిలేసుకుని షార్ట్ ఫిలిమ్స్ చేస్తూ హీరోగా సినిమా అవకాశాలను అందుకున్నారు. ఇలా ఇండస్ట్రీలో హిట్ ఫ్లాపాలతో సంబంధం లేకుండా వరుస సినిమాలలో నటిస్తున్నారు.
ఇలా వరుస సినిమాలలో నటిస్తున్నటువంటి ఈయన తరచూ ఏదో ఒక విషయం ద్వారా వార్తల్లో నిలుస్తుంటారు. అయితే తాజాగా కిరణ్ అబ్బవరం తన వ్యక్తిగత కారణాల ద్వారా వార్తల్లో నిలిచారు. ఈయన మొదటి సినిమా రాజావారు రాణివారు సినిమాలో నటి
రహస్య గోరఖ్ తోకలిసి నటించారు. అయితే ఈయన ఈమెతో ప్రేమలో పడ్డారని పెద్ద ఎత్తున వార్తలు సోషల్ మీడియాలో వైరల్ అవుతున్నాయి.
ఇలా వీరిద్దరూ కలిసి మొదటి సినిమాలో నటించినప్పటికీ ఈయన వరుస సినిమాలలో నటిస్తూ ఉండగా రహస్య మాత్రం ఇతర సినిమాలలో నటించలేదు అయితే వీరిద్దరి మధ్య ఉన్నటువంటి ఆ బాండ్ మాత్రం అలాగే కంటిన్యూ అవుతుందని తెలుస్తోంది.తాజాగా వీరిద్దరూ సోషల్ మీడియా వేదికగా ఒకే లొకేషన్ లో కలిసి దిగిన ఫోటోలను షేర్ చేయడంతో ఇవి కాస్త వైరల్ గా మారాయి.
Kiran Abbavaram: నటి రహస్యతో ప్రేమలో ఉన్నారా…
కిరణ్ అబ్బవరం తన స్నేహితులతో కలిసి తాజాగా కాశ్మీర్ ట్రిప్ వెళ్ళినట్టు తెలుస్తుంది. ఇందులో భాగంగా రహస్య కూడా పాల్గొన్నారు. అయితే వీరిద్దరూ కూడా వేరువేరుగా ఒకే ప్లేస్ లో ఉన్నటువంటి ఫోటోలను షేర్ చేయడంతో ఈ అనుమానాలకు కారణం అవుతుంది. ఈ ఫోటోలు చూసిన నెటిజన్స్ కొంపదీసి కిరణ్ అబ్బవరం నటి రహస్య ప్రేమలో పడ్డారా అందుకే ఇద్దరూ ఒకే ఫోటోలను షేర్ చేశారా అంటూ నెటిజన్స్ కామెంట్లో చేస్తున్నారు. దీంతో మరోసారి ఈయన వార్తల్లో నిలిచారు.