Krishna Vamshi: తెలుగు చిత్ర పరిశ్రమలో దర్శకుడిగా ఎంతో మంచి గుర్తింపు సంపాదించుకున్న డైరెక్టర్ కృష్ణ వంశీ గురించి ప్రత్యేకంగా చెప్పాల్సిన పనిలేదు. ఈయన దర్శకుడిగా ఎన్నో అద్భుతమైన సినిమాలను తెలుగు ప్రేక్షకులకు పరిచయం చేశారు. అయితే ఈ మధ్యకాలంలో కృష్ణవంశీ చాలా తక్కువ సినిమాల ద్వారా ప్రేక్షకుల ముందుకు వస్తున్నారు. తాజాగా కృష్ణ వంశీ దర్శకత్వంలో ప్రకాష్ రాజ్, రమ్యకృష్ణతో రంగమార్తాండ అనే సినిమాతో బిజీగా ఉన్నారు.

త్వరలోనే ఈ సినిమా విడుదల కానున్న నేపథ్యంలో కృష్ణవంశీ ఓ ఇంటర్వ్యూలో పాల్గొన్నారు.ఈ ఇంటర్వ్యూలో కృష్ణవంశీ సినిమా గురించి ఎన్నో విషయాలను తెలియజేశారు అదే విధంగా తన వ్యక్తిగత విషయాల గురించి కూడా ఈ సందర్భంగా మాట్లాడారు.గత కొంతకాలంగా రమ్యకృష్ణ కృష్ణవంశీ విడాకులు తీసుకున్నారని పెద్ద ఎత్తున వార్తలు వచ్చాయి అయితే ఈ విడాకులు వార్తలను కృష్ణవంశీ ఎప్పటికప్పుడు ఖండిస్తూ వచ్చారు.

తాజాగా ఈ ఇంటర్వ్యూ సందర్భంగా మరోసారి విడాకుల ప్రస్తావన రావడంతో కృష్ణవంశీ ఈ విషయం గురించి మాట్లాడుతూ నేను రమ్యకృష్ణ విడివిడిగా ఉంటున్నాం అయితే వృత్తిపరమైన విషయాల వల్ల తను చెన్నైలోనూ నేను హైదరాబాదులోనూ ఉంటున్నాము తప్ప మా ఇద్దరికీ ఎలాంటి మనస్పర్ధలు లేవని మేము విడాకులు తీసుకోలేదని క్లారిటీ ఇచ్చారు.

Krishna Vamshi: వృత్తిపరంగా ఇద్దరం విడిగా ఉంటున్నాం…

ఇలా మేమిద్దరం విడాకులు తీసుకున్నామంటూ వార్తలు రావడం చాలా బాధాకరం. ఇలాంటి వార్తలను రాసిన వారిని చూస్తే చాలా పాపం అనిపిస్తుంది. రాయడానికి ఇంతకన్నా ఎక్కువగా ఆలోచించలేకపోతున్నారా అనిపిస్తుందని ఇలాంటి పనులన్నీ చాలా శాడిస్ట్ పనులంటూ ఈ సందర్భంగా కృష్ణవంశీ మరోసారి తన విడాకుల వార్తలపై స్పందించి ఘాటుగా రిప్లై ఇచ్చారు. దీంతో ఈ విషయం కాస్త సోషల్ మీడియాలో వైరల్ గా మారింది.