Mahesh Babu: సూపర్ స్టార్ మహేష్ బాబు, కీర్తి సురేష్ జంటగా నటించి, పరశురాం దర్శకత్వం వహించిన సినిమా సర్కారు వారి పాట. ఈ సినిమాను మైత్రి మూవీ మేకర్స్ 14రీల్స్, జి.ఎమ్.బి ఎంటర్టైన్మెంట్స్ సంయుక్తంగా నిర్మించారు. రెండేళ్ల తర్వాత మహేష్ బాబు నుంచి వస్తున్న సినిమా కావడంతో ఈ సినిమా మీద అభిమానులు అంచనాలు బాగా ఉన్నాయి. మే 12 న ఈరోజు సినిమా విడుదల ఉండటంతో మహేష్ బాబు నిన్న తన ఇన్‌ స్టాగ్రామ్‌ ఖాతా ద్వారా అభిమానులతో ముచ్చటించారు. అభిమానులు అడిగిన ప్రశ్నలకు ఎంతో ఓపికగా నవ్వుతూ సమాధానాలు చెప్పారు.
మీ బెస్ట్ ఫ్రెండ్ ఎవరు…..
అభిమానులు ఈ క్వశ్చన్ అండ్ ఆన్సర్ సెషన్ లో ఆసక్తికర ప్రశ్నలు మహేష్ ని అడిగారు. మీ బెస్ట్ ఫ్రెండ్ ఎవరు? అని ఒక ఫ్యాన్ మహేద ని అడిగగా… తన భార్య అయిన నమ్రత శిరోద్కర్ పేరు చెప్పారు. నమ్రతలో మీకు బాగా నచ్చిన విషయం ఏంటని వేరొక అభిమాని ప్రశ్న అడుగగా… ఆమెలో అన్నీ ఇష్టమే, అందుకే పెళ్లి చేసుకున్నాను అని మహేష్ బాబు నవ్వుతూ సమాధానం ఇచ్చారు.
అయితే సర్కారు వారి పాట సినిమాలో పెన్ని పాట లో సితార డాన్స్ చేసిన సంగతి తెలిసిందే ఇందుకు ఒక అభిమాని, సితార భవిష్యత్తులో వెండితెరమీద నటించే అవకాశం ఉందా అని అడగగా… అందుకు మహేష్, సితార ఇప్పటికే యాక్టర్ అయ్యింది అని నేను అనుకుంటున్నాను అని సమాధానమిచ్చారు. వెంటనే ఇంకొక అభిమాని మీ ఇంట్లో స్మార్ట్ ఎవరు అని అడగగా.. తడుముకోకుండా వెంటనే మహేష్ బాబు సితార పేరు చెప్పేశారు. ఇంత బిజీ షెడ్యూల్లో పిల్లలతో సమయం ఎలా కేటాయిస్తారు అని ప్రశ్నించిన ఒక అభిమానికి… అది నేను చెప్పలేను కానీ పిల్లలతో మాత్రం తప్పకుండా సమయాన్ని గడపడానికె ఇష్టపడతాను అని సమాధానం చెప్పాడు. ఈ విధంగా మహేష్ బాబు అభిమానుల తో చేసిన చిట్ చాట్ ఆసక్తికరంగా సాగింది. ప్రస్తుతం ఈ వీడియో వైరల్ అవుతోంది.