Mega Brother Nagababu : మెగాస్టార్ తమ్ముడిగా అందరికీ సుపరిచితుడైనా సినిమాల్లో పెద్దగా కెరీర్ లేకపోయినా బుల్లితెర మీద జబర్దస్త్ కి జడ్జిగా మాత్రం మంచి ఫాలోయింగ్ సంపాదించుకున్న నాగబాబు గారు దాదాపు జబర్దస్త్ పెట్టినప్పటి నుండి పదేళ్ళ పైగానే జడ్జిగా వ్యవహరించినా అక్కడ చిన్న చిన్న విబేధాల కారణంగా బయటికి వచ్చేసారు. ఆయన రావడంతో ఆయనతో పాటు చంద్ర, ఆర్పీ, వంటి వారు బయటికి వచ్చేసారు. ఇక ఓవైపు బుల్లితెర మీద సందడి చేస్తూనే మరో వైపు రాజకీయాల్లోకి వెళ్లారు నాగబాబు. తమ్ముడు పవన్ కళ్యాణ్ పెట్టిన జనసేన పార్టీలో క్రియా శీలకంగా పని చేస్తున్నారు. ఇక అధినేత పవన్ కళ్యాణ్ ఆస్తుల గురించి రిసెంట్ గా ఒక ఇంటర్వ్యూలో క్లారిటీ ఇచ్చారు.

పవన్ కి ఉన్న ఆస్తులు ఇవే…

సినిమాల్లో హైయెస్ట్ పెయిడ్ హీరో అయిన పవన్ కళ్యాణ్ కి పెద్దగా ఆస్తులు లేవంటూ నాగబాబు క్లారిటీ ఇచ్చారు. ఉన్న ఆస్తులను జనసేన పార్టీ కోసం ఖర్చు పెట్టాడని, కేవలం ఇల్లు ఒక స్థలం కార్లు ఉన్నాయంటూ తెలిపారు. అవి కూడా బ్యాంకు లోనులో ఉన్నాయంటూ చెప్పారు. మొదటి నుండి ఆస్తులను చేయాలనే ఆలోచన కళ్యాణ్ బాబుకి లేదంటూ చెప్పారు. అన్న చిరంజీవి కోట్లు బ్లడ్ బ్యాంకుల కోసం ఖర్చు చేస్తూంటే కళ్యాణ్ బాబు తన వద్ద సహాయం అడిగిన వారికీ అలానే పార్టీ కోసం ఖర్చు చేసేస్తున్నాడు.

పిల్లల కోసం చేసిన డిపాసిట్ డబ్బులను కూడా పార్టీ కోసం వాడేసాడు కళ్యాణ్ అంటూ చెప్పారు. తనకు డబ్బు మీద వ్యామోహం లేదని, జానీ సినిమా సమయంలో నష్టపోయిన డిస్ట్రిబ్యూటర్లకు తన రెమ్యూనరేషన్ మొత్తం తిరిగి ఇచ్చేసి వారి నష్టాలను పుడ్చాడు. అప్పటికి ఒకటిన్నర కోటి రెమ్యూనరేషన్ తీసుకుంటున్న పవన్ మొత్తం ఇచ్చేసాడు. అది చాలదని మళ్ళీ ఒక స్థలం కూడా ఇచ్చేయాలని అనుకుంటే అడ్డుపడి ఆపేసాను అలా తనకు డబ్బు జాగ్రత్త చేయడం రాదు అంటూ చెప్పారు.