Kalyan Dev: మెగా అల్లుడు ద్వారా తెలుగు ఇండస్ట్రీకి విజేత సినిమా ద్వారా పరిచయమైన మరో మెగా హీరో కళ్యాణ్ గురించి అందరికీ తెలిసిందే. ఈయన చిరంజీవి రెండో కుమార్తె శ్రీజను రెండవ వివాహం చేసుకున్నారు.ఈ వివాహం తర్వాత కళ్యాణ్ దేవ్ మెగాస్టార్ అల్లుడిగా వెండితెరకు పరిచయమయ్యారు.

మొదటి సినిమాతోనే మంచి గుర్తింపు సంపాదించుకున్న కళ్యాణ్ దేవ్ అనంతరం పలు చిత్రాలలో నటించారు. ఇప్పుడిప్పుడే తనకంటూ మంచి గుర్తింపు వస్తుంది అనుకున్న నేపథ్యంలో అతనికి కెరియర్ పూర్తిగా ఇబ్బందుల్లో పడుతుందని తెలుస్తోంది.గత కొద్దిరోజుల నుంచి మెగా డాటర్ శ్రీజ కళ్యాణ్ కి మధ్య మనస్పర్థలు వచ్చాయని ఈ క్రమంలోనే వీరిద్దరూ విడాకులు తీసుకోబోతున్నారని పెద్దఎత్తున ప్రచారం జరుగుతోంది.

అయితే ఈ వార్తలు సోషల్ మీడియాలో పెద్దఎత్తున వినిపిస్తున్న సమయంలోనే శ్రీజ తన పేరు పక్కన తన భర్త పేరు తొలగించడంతో ఈ వార్తలకు మరింత బలం చేకూర్చాయి.సమంత నాగచైతన్య మాదిరిగానే వీరు కూడా త్వరలోనే విడాకుల ప్రకటన చేస్తారని అందరూ భావిస్తున్నారు.

మెగా అల్లుడు అనే ట్యాగ్ లేకపోతే..

ఇలా మెగా హీరోగా ఇండస్ట్రీలో మంచి గుర్తింపు సంపాదించుకోవాలని ప్రయత్నిస్తున్న కళ్యాణ్ దేవ్ ఇకపై మెగా అల్లుడు అనే ట్యాగ్ లేకపోతే ఈయనకు ఇండస్ట్రీలో ఏ మాత్రం అవకాశాలు రావని పూర్తిగా తన కెరియర్ పై ప్రభావం చూపిస్తోందని పలువురు భావిస్తున్నారు. అందుకు సంకేతమే తాజాగా ఆయన నటించిన సూపర్ మచ్చి సినిమా అని కూడా చెప్పవచ్చు.సాధారణంగా మెగా కాంపౌండ్ నుంచి ఏదైనా సినిమా విడుదల అవుతుందంటే మెగా హీరోలు మొత్తం సినిమా ప్రమోషన్ చేస్తారు. కానీ మెగా అల్లుడు సినిమాకి ఒక్కరు కూడా సపోర్ట్ చేయకపోవడంతో మరిన్ని అనుమానాలు పెరుగుతున్నాయి. అసలు మెగా కుటుంబంలో ఏం జరుగుతుంది? వీరిద్దరూ నిజంగానే విడిపోతున్నారా?లేదా? అనే విషయాలు గురించి మరి కొన్ని రోజుల్లో క్లారిటీ రానుంది.