Mega Star Chiranjeevi : మెగాస్టార్ చిరంజీవి నుంచి తాజాగా వస్తున్న సినిమా గాడ్ ఫాదర్. మలయాళం సినిమా అయిన మోహనలాల్ హీరోగా వచ్చిన లూసిఫర్ కు రీమేక్ గా గాడ్ ఫాదర్ తెరకెక్కుతున్న విషయం తెలిసిందే. పొలిటికల్ యాక్షన్ కథతో వస్తున్న ఈ సినిమా లో మెగా స్టార్ కొత్త లుక్ తో ఉండటమే కాదు ఈ సినిమాలో నయనతార, సల్మాన్ ఖాన్ కూడా నటిస్తుండటం విశేషం. తమిళ దర్శకుడు మోహన్ రాజా ఈ సినిమాకు దర్శకత్వం వహిస్తున్నాడు. అంతే కాదు థమన్ ఈ సినిమాకు సంగీతం అందిస్తున్నాడు. థమన్ మొదటిసారి మెగా స్టార్ సినిమాకి సంగీతం ఇస్తున్నాడు.

ఆచార్య సినిమా కాస్త నిరాశ పరచడంతో పాటు అభిమానులతో పాటు మెగా స్టార్ కూడా ఈ సినిమా మీద ఆశలు పెట్టుకున్నారు. తాజాగా ఈ సినిమా నుంచి విడుదల అయిన టీజర్ అభిమానులను ఆకట్టుకోవడమే కాదు అంచనాలను పెంచుతోంది. టీజర్ లో మెగా స్టార్ లుక్, థమన్ బ్యాక్ గ్రౌండ్ మ్యూజిక్ అదిరిపోయాయి.

టీజర్ వీడియోలో స్వల్పంగా మారిన చిరంజీవి పేరు…

ఇక నిన్న విడుదల అయిన ఫస్ట్ లుక్ టీజర్ అందరినీ ఆకట్టుకుంటుంటే, టీజర్ వీడియోలోని టైటిల్స్ లో మెగా స్టార్ పేరు స్వల్పంగా మారింది. ప్రస్తుతం అందరూ దీని గురించే చర్చించుకుంటున్నారు. టైటిల్స్ లో “MEGA STAR CHIRANJEEEVI” అని వుంది. అయితే ఎప్పుడూ ‘CHIRANJEEVI’ అని ఉంటుంది ఇపుడు కొత్తగా మరో ‘E’ ని అదనంగా జోడించారు. దీనికి కారణం న్యూమారాలజీ ప్రకారం వచ్చిన మార్పు కారణం అయ్యుంటుంది అని నెట్టింట చర్చలు జరుగుతున్నాయి. మరికొంత మంది మాత్రం ఆచార్య సినిమా ఫ్లాప్ కావడంతో చిరంజీవి తన పేరులో స్వల్ప మార్పు చేసుకున్నాడని అంటున్నారు..