Music director Devi Sri Prasad : తెలుగు మ్యూజిక్ డైరెక్టర్లలో తనకంటూ సూపర్ క్రేజ్ తెచ్చుకున్న మ్యూజిక్ డైరెక్టర్ డిఎస్పి. చిన్న వయసులోనే సంగీత దర్శకుడిగా అడుగుపెట్టిన దేవి శ్రీ ప్రసాద్ మొదటి సినిమా ‘దేవి’ సక్సెస్ అయ్యాక ఆ సినిమానే పేరు ముందు చేర్చుకుని దేవి శ్రీ ప్రసాద్ అయ్యాడు. ఇప్పటి వరకు చాలా సినిమాలకు మ్యూజిక్ అందించి అందరు అగ్ర దర్శకులతో పనిచేసిన దవి ఇటీవల ‘పుష్ప’ సినిమాకు మ్యూజిక్ అందించి పాన్ ఇండియా లెవెల్ లో పేరు తెచ్చుకున్నాడు. అయితే ఇప్పుడు డిఏస్పీ గురించి ఒక లేటెస్ట్ న్యూస్ సోషల్ మీడియాలో చక్కర్లు కొడుతోంది.

దేవి ఇంట్లో మోగనున్న పెళ్లి భాజాలు…

దేవి మ్యూజిక్ కి ఎంతో క్రేజ్ ఉందో అలాగే దేవి కి కూడా మంచి ఫాలోయింగ్ ఉన్నా దేవి మాత్రం నాలుగు పదుల వయసులో ఉన్నా ఇంకా పెళ్లి మీద ధ్యాస పెట్టలేదు. గతంలో ఒక హీరోయిన్ తో ప్రేమాయణం నడిపిన దేవి ఆ తరువాత బ్రేక్ అప్ అంటూ సింగల్ గానే ఉంటున్నాడు. అయితే ఇప్పుడు మాత్రం దేవి పెళ్లి చేసుకోబోతున్నాడు అని బాగా వినిపిస్తోంది.

ఇక పెళ్లి ఎవరితో అనే విషయం కూడా అందరూ ఆసక్తిగా ఎదురు చూస్తున్నారు. దేవి పెళ్లి చేసుకోబోతున్న అమ్మాయి తనకు మరదలు అవుతుందట. దూరపు బంధువుల అమ్మాయినే దేవి పెళ్లి చేసుకోబోతున్నాడట. ఇక మరో ఆశ్చర్యకర విషయం ఏంటంటే వాళ్లిద్దరికీ ఏజ్ గ్యాప్ కూడా బాగా ఎక్కువగా ఉంది అని గుసగుసలు వినిపిస్తున్నాయి. మరి నిజంగానే దేవి పెళ్లి చేసుకుంటాడో లేక ఇది కూడా గాలి వార్తే అవుతుందో చూడాలి.