Deepika Padukone: కోవిడ్ -19 సెకండ్ వేవ్ సమయంలో బాలీవుడ్ నటి దీపికా పదుకొనే వైరస్ బారిన పడిన విషయం తెలిసిందే. ఏప్రిల్ 2021లో నటి , ఆమె కుటుంబంతో సహా ఆమె తండ్రి ప్రకాష్, సోదరి అనిషా, తల్లి ఉజ్జలకు కోవిడ్-19 పాజిటివ్ అని తేలింది.

తర్వాత వారంతా కోలుకున్న విషయం విధితమే. దీపికా పదుకొణె ఇటీవలి ఇంటర్వ్యూలో.. ఆమె కోవిడ్-19తో ఎలా పోరాడిందో చెప్పుకొచ్చింది. వైరస్ బారిన పడిన తర్వాత తాను రెండు నెలలు తీవ్ర ఇబ్బందులకు గురయ్యానని.. ఆ సమయంలో కోవిడ్ వచ్చి తర్వాత వారంలోనే కోవిడ్ తగ్గినా.. రెండు నెలల వరకు ఆ పెయిన్ పోలేదని చెప్పుకొచ్చింది.

కోవిడ్ తర్వాత జీవితం అంతా మారిపోయిందని.. ఎందుకంటే శారీరకంగా.. నన్ను నేనే గుర్తించలేనంతగా మారిపోయాను అని చెప్పుకొచ్చింది. నాకు ఇచ్చిన మందులు, నేను వేసుకున్న స్టెరాయిడ్స్ కారణంగా అలా అయింది అనుకుంటా అని చెప్పింది.

భావోద్వేగాల నడుమ ఈ సినిమా ..

కాబట్టి కోవిడ్ విచిత్రంగా, మీ శరీరానికి, మనస్సుకి భిన్నంగా ఎన్నో మార్పులను కారణం అవుతుందంని చెప్పుకొచ్చింది. ఇక తాను అనారోగ్యంగా ఉన్పప్పుడు నా మనస్సు బాగానే అనిపించినా.. రాను రాను మెదడు పని చేయలేదని అందుకే రెండు నెలల వరకు ఎటూ వెళ్లకుండా ఇంట్లోనే విశ్రాంతి తీసుకున్నానని చెప్పింది. నేను ఆ దశలో తీవ్ర ఇబ్బందులకు గురయ్యాను అని చెప్పింది. ఇక ఆమె తదుపరి చిత్రం ‘గెహ్రైయాన్’ గురించి మాట్లాడుతూ.. దర్శకుడు శకున్ బాత్రా ఈ సినిమా అద్భుతంగా తెరకెక్కిస్తున్నారని అన్నారు. ఆధునిక వయోజన సంబంధాలకు అద్దం పట్టే విధంగా.. భావోద్వేగాల నడుమ ఈ సినిమా ఉంటుందని చెప్పుకొచ్చింది.