Naga Chaitanya: టాలీవుడ్ క్రేజీ కపుల్ నాగచైతన్య సమంత విడిపోవడాన్ని అభిమానులు ఏమాత్రం జీర్ణించుకోలేకపోయారు. ఈ క్రమంలోనే ఇప్పటికీ వీరి విడాకులకు సంబంధించిన ఏ చిన్న విషయం బయటకు వచ్చిన అభిమానులు ఎంతో ఆసక్తి కనబరుస్తున్నారు. అయితే వీరి విడాకుల ప్రకటన వచ్చి పది నెలలు పూర్తి అవుతున్నప్పటికీ నాగచైతన్య ఇప్పటివరకు ఎక్కడ తన విడాకుల గురించి స్పందించలేదు.

ఇకపోతే తాజాగా ఈయన బాలీవుడ్ నటుడు అమీర్ ఖాన్ హీరోగా నటించిన లాల్ సింగ్ చద్దా సినిమా ప్రమోషన్ కార్యక్రమాలలో బిజీ అయ్యారు. ఈ ప్రమోషన్ కార్యక్రమాలలో భాగంగా ఇంటర్వ్యూలలో పాల్గొన్న ఈయన విడాకుల గురించి నోరు విప్పాల్సిన పరిస్థితి ఏర్పడింది. ఈ క్రమంలోనే ఒక ఇంటర్వ్యూలో పాల్గొన్న చైతన్యకు యాంకర్ నుంచి ఒక ప్రశ్న ఎదురయింది.

సమంత గురించి విడాకుల విషయం కాకుండా కొత్తగా తనపై మీ అభిప్రాయం ఏంటో చెప్పండి అని ప్రశ్నించారు. దీనికి నాగచైతన్య సమాధానం చెబుతూ.. సమంత అంటే ఇప్పటికీ నాకు ఎంతో గౌరవం. తనపై ఉన్న గౌరవం ఎప్పటికీ పోదు మేమిద్దరం పరస్పర అభిప్రాయాలతోనే విడాకులు ప్రకటించామని సమాధానం చెప్పారు. మా మధ్య ఏం జరిగిందో మేము అదే చెప్పాం అంతకుమించి మా ఇద్దరి మధ్య మా విడాకుల గురించి ఏం లేదని కానీ కొందరు ఏవేవో కల్పించారని ఈయన తెలిపారు.

Naga Chaitanya: తనపై ఎప్పటికీ గౌరవం తగ్గదు…

ఈ విధంగా మేమిద్దరం ఒక అండర్ స్టాండింగ్ తో విడాకుల ప్రకటన చేసినప్పటికీ మా గురించి ఏవేవో వార్తలు వచ్చాయి. ఆ సమయంలో ఆ వార్తలు చూసి చాలా విసుగు వచ్చిందని ఈ సందర్భంగా నాగచైతన్య వెల్లడించారు.అయితే ప్రస్తుతం అంతా సెట్ అయిందని మేము మా వ్యక్తిగత విషయాలను పక్కనపెట్టి కేవలం వృత్తిపరమైన విషయంపై దృష్టి పెట్టి పలు సినిమాలతో బిజీగా ఉన్నామని ఈ సందర్భంగా చైతన్య తెలియజేశారు. ప్రస్తుతం ఈయన చేసిన ఈ కామెంట్స్ వైరల్ అవుతున్నాయి.