Nagarjuna: టాలీవుడ్ హీరో అక్కినేని నాగార్జున ఒకవైపు సినిమాలలో నటిస్తూనే మరోవైపు పలు వ్యాపారాలను కూడా నిర్వహిస్తున్న విషయం మనకు తెలిసిందే. ఈ క్రమంలోనే ఈయన గోవాలో కమర్షియల్ వినియోగం కోసం కొన్ని నిర్మాణాలను చేపడుతున్నారు. అయితే ఈ నిర్మాణాలను తక్షణమే ఆపాలంటూ నాగార్జునకు గోవా అధికారులు నోటీసులు జారీ చేశారు.

గోవాలోని మాండ్రేమ్ పంచాయితీ సర్పంచ్ పేరుతో అక్కినేని నాగార్జునకు నోటీసులు జారీ చేశారు. మాండ్రేమ్ పంచాయితీ సర్వే నెంబర్ 211/2బి ప్రాంతంలో ముందుగా ఎలాంటి అనుమతులు తీసుకోకుండా నిర్మాణాలను చేపడుతున్నారని అందుకే ఈ అక్రమ నిర్మాణాలను ఆపాలి అంటూ సర్పంచ్ అమిత్ సావంత్ నాగార్జునకు జారీ చేసిన నోటీసులో పేర్కొన్నారు.

ఈ అక్రమ నిర్మాణాలను వెంటనే ఆపకపోతే పంచాయతీరాజ్ చట్టం 1994 ప్రకారం చర్యలు తీసుకోబడతాయని కూడా మాండ్రేమ్ సర్జంచ్ అమిత్ సావంత్ నాగార్జునకు నోటీసుల ద్వారా హెచ్చరికలు జారీ చేశారు. దీంతో నాగార్జునకు గోవాలోని నిర్మాణాలకు భారీగా షాక్ తగిలిందని చెప్పాలి.

Nagarjuna: నిర్మాణం ఆపకపోతే చర్యలు తప్పవు…

ఇకపోతే నాగార్జున ఈ విధమైనటువంటి అక్రమనిర్మాణాలకు సంబంధించిన ఇబ్బందులను ఎదుర్కోవడం ఇది మొదటిసారి కాదు. గతంలో కూడా ఈయన తెలంగాణలో ప్రభుత్వం నుంచి ఏ విధమైనటువంటి అనుమతులు లేకుండా కొన్ని నిర్మాణాలు చేపట్టడంతో అప్పుడు కూడా అక్రమ నిర్మాణాలకు సంబంధించిన ఇబ్బందులను ఎదుర్కొన్న విషయం మనకు తెలిసిందే. తాజాగా ఇప్పుడు గోవాలో కూడా ఈ విధమైనటువంటి ఇబ్బందులను ఎదుర్కొంటున్నారు.