Comedian Ali: కడుపులో బిడ్డతో సహా మంటల్లో కాలిపోయింది.. నా కూతురికి అదే పేరు పెట్టా: అలీ

Comedian Ali: తెలుగు చిత్ర పరిశ్రమలో బాల నటుడిగా అనంతరం కమెడియన్ గా, హీరోగా, ఎన్నో సినిమాలలో నటించి ఎంతో పేరు ప్రఖ్యాతలు సంపాదించుకున్న ఆలీ గురించి అందరికీ సుపరిచితమే.ఇక ఈయన ప్రస్తుతం బుల్లితెరపై ఆలీతో సరదాగా కార్యక్రమానికి వ్యాఖ్యాతగా వ్యవహరిస్తున్న విషయం తెలిసిందే. ఈ కార్యక్రమం ద్వారా ఎంతో మందిని ప్రశ్నించిన అలీ తాజాగా ఈ కార్యక్రమానికి అతిథిగా హాజరయ్యారు.

యాంకర్ సుమ ఆలీని ఎన్నో రకాల ప్రశ్నలు వేసి తన నుంచి సమాధానాలు రాబట్టింది.అయితే ఈ కార్యక్రమంలో భాగంగా అలీ తన జీవితంలో జరిగినటువంటి ఒక విషాద సంఘటన గురించి తెలియజేస్తూ ఎమోషనల్ అయ్యారు. తనకు తన సోదరి ఫాతిమా అంటే చాలా ఇష్టమని తెలిపారు.నాకు ఎనిమిది సంవత్సరాల వయసు ఉన్నప్పుడు ఒక తల్లిలా తనని ప్రేమగా చూసుకునేదని నన్ను ఉదయం నిద్ర లేపి రెడీ చేసి షూటింగ్ కి పంపించే బాధ్యత అంతా తానే చూసుకునేదని తెలిపారు.

అయితే తన సోదరికి వివాహం జరిగి ఒక పిల్లాడు పుట్టాడు తర్వాత తాను గర్భవతిగా ఉన్నప్పుడు పిల్లాడికి పాలు తాపించాలని వంటగదిలోకి వెళ్లి చున్ని ఇలా వెనక్కి వేసుకుంది. దీంతో ఒక్కసారిగా మంటలు వ్యాపించి తను మంటలో చిక్కుకుందని ఆ మంటలు భరించలేక బయటికి పరుగులు పెట్టింది. అది చూసిన అందరూ తనపై చల్ల నీళ్లు వేశారు. అయినప్పటికీ తాను కడుపులో బిడ్డతో సహా ప్రాణాలు కోల్పోయిందని తెలిపారు.

Comedian Ali: సోదరిపై ప్రేమతో కూతురికి ఫాతిమా పేరు పెట్టిన అలీ…

ఇలా తనని ఎంతో ప్రేమగా చూసుకున్న తన సోదరి చనిపోవడంతో తన పెద్ద కుమార్తెకు తన పేరే ఫాతిమా అని పెట్టుకున్నానని ఈ సందర్భంగా ఆలీ తన జీవితంలో జరిగిన ఈ విషాద సంఘటన గురించి తెలియజేశారు. ప్రస్తుతం అలీ చేసినటువంటి ఈ కామెంట్ సోషల్ మీడియాలో వైరల్ అవుతున్నాయి.