Babu Mohan: తెలుగు సినిమా ఇండస్ట్రీలో నటుడు బాబు మోహన్ గురించి ప్రత్యేకంగా చెప్పాల్సిన పనిలేదు. ఈయన సినిమాలలో కమెడియన్ గా నటించడమే కాకుండా హీరోగా కూడా నటించారు. ఇలా ఎన్నో తెలుగు సినిమాలలో తన అద్భుతమైన నటన ద్వారా ప్రేక్షకులను సందడి చేసిన బాబు మోహన్ ప్రస్తుతం రాజకీయాల్లో బిజీగా ఉన్నారు.
తాజాగా ఒక ఇంటర్వ్యూలో పాల్గొన్న బాబు మోహన్ పలు ఆసక్తికరమైన విషయాల గురించి వెల్లడించారు. ఈ సందర్భంగా ఆయన మాట్లాడుతూ తనకు చిన్నప్పుడే తన తల్లి చనిపోయిందని, తన తల్లి అంటే తనకు అపారమైన ఇష్టం ప్రేమ ఉండేదని బాబు మోహన్ వెల్లడించారు. ఇకపోతే తన తల్లిని ఎవరైనా ఏమైనా అంటే ఊరుకునే వాన్ని కాదని, ఒకరోజు పాఠశాలలో సహ విద్యార్థి నీయమ్మ అన్నందుకు తననీ చితక బాదానని బాబు మోహన్ వెల్లడించారు.
బాబు మోహన్ హీరోగా సుందరవదన సుబ్బలక్ష్మి మొగుడు అనే సినిమాని తెరకెక్కించారు. ఈ సినిమా సమయంలో ఇండస్ట్రీలో పలు విమర్శలు వచ్చాయి కదా అని ప్రశ్నించారు. ఈ మాటకు బాబు మోహన్ మాట్లాడుతూ తనని ఇండస్ట్రీలో ఇప్పటి వరకు ప్రశ్నించిన వారు లేరని, ప్రశ్నించేవాడు పుట్టలేదని తెలిపారు.ఈ సినిమా షూటింగ్ సమయంలో తనను అభినందించడానికి ఎంతో మంది హీరోలు అభిమానులు పెద్ద ఎత్తున స్టూడియోకు తరలి వచ్చారని బాబు మోహన్ తెలిపారు.
రామానాయుడు కూడా ఒకరు…
ఈ సినిమా షూటింగ్ సమయంలో పద్నాలుగు సినిమాలకు సూట్కేస్ నిండా డబ్బు పెట్టి మా సినిమాలలో చేయాలని అడిగారు. కుదరదని చెబుతున్న పక్షంలో ఈ డబ్బులు మీరు తీసుకోకపోయినా ఎవరికైనా దానం చేయండి అని చెప్పి వెళ్లిన వారు కూడా ఉన్నారు. అలాంటివారిలో నిర్మాత రామానాయుడు కూడా ఒకరిని బాబు మోహన్ ఈ సందర్భంగా తెలిపారు. ఇలా అందరూ తనని అభినందించిన వారే తప్ప విమర్శించిన వారు ఎవరూ లేరని ఈ సందర్భంగా బాబు మోహన్ తెలిపారు.