Mucherla Aruna: చిరంజీవి గారికి లైవ్ లో మెసేజ్ చేస్తూ కన్నీళ్లు పెట్టుకున్న నటి ముచ్చెర్ల అరుణ!

Mucherla Aruna: ముచ్చెర్ల అరుణ ఈ తరం వారికి పెద్దగా పరిచయం లేకపోయినప్పటికీ ఈమె మెగాస్టార్ చిరంజీవి వంటి హీరోల సరసన ఎన్నో అద్భుతమైన సినిమాలలో నటించి మంచి గుర్తింపు పొందారు.ఒకానొక సమయంలో టాలీవుడ్ ఇండస్ట్రీలో అగ్ర హీరోలందరి సరసన నటిస్తూ ఇండస్ట్రీని ఏలిన ముచ్చెర్ల అరుణ ప్రస్తుతం ఇండస్ట్రీకి దూరం అయ్యారు. ఈ క్రమంలోనే తాజాగా ఒక ఇంటర్వ్యూలో పాల్గొన్న ఈమె ఎన్నో విషయాల గురించి ముచ్చటించారు.

అప్పట్లో హీరోయిన్ విజయశాంతితో తనకి ఎంతో మంచి అనుబంధం ఉండేదని ఇద్దరం కలిసి ఒకే గదిలో ఉండేవాళ్ళం అంటూ తెలియజేశారు. ఇక షూటింగ్ లొకేషన్లో అయితే అప్పట్లో కారవాన్ ఉండేది కాదు చెట్లకింద కూర్చుని ఎంతో సరదాగా మాట్లాడుకునేవాళ్ళం అంటూ గత విషయాలను అరుణ గుర్తు చేసుకున్నారు.

ఇకపోతే ఇంటర్వ్యూ సందర్భంగా గత విషయాలను గుర్తుచేసుకుంటూ అప్పట్లో షూటింగ్ లొకేషన్లో తన అమ్మకు హీరోలు మోహన్ బాబు, చిరంజీవి వంటి వారితో మంచి అనుబంధం ఉండేది అని వాళ్లు కూడా లొకేషన్ వారికి ఇష్టమైన వంటలను అమ్మతో తయారు చేయించుకుని తినే వాళ్లని అమ్మతో మంచి అనుబంధం ఏర్పడిందని అరుణ వెల్లడించారు.

కూతురు పెళ్ళికి పిలవాలని ఆరాటపడింది..

అప్పుడు అందరం ఎంతో మంచి స్నేహంగా ఉండే వాళ్లని అయితే ప్రస్తుతం వీరితో పెద్దగా పరిచయాలు లేవని అరుణ వెల్లడించారు. కనీసం వారి ఫోన్ నెంబర్లు కూడా తన దగ్గర లేవని తెలిపారు.ఈ క్రమంలోనే చిరంజీవి గారికి మీరు ఏదైనా చెప్పాలనుకున్నారా అంటూ యాంకర్ అడగగా లైవ్ లోనే అరుణ తనకు మెసేజ్ చేస్తూ కన్నీళ్లు పెట్టుకున్నారు. చిరంజీవి గారు హాయ్ అని చెబుతూనే తన కూతురు పెళ్లికి తన తల్లి మిమ్మల్ని ఎంతగానో పిలవాలనుకున్నారు కానీ కుదరలేదు అంటూ అరుణ ఈ సందర్భంగా ఎమోషనల్ అయ్యారు.