Poonam Kaur: సినిమా ఇండస్ట్రీలో హీరోయిన్ గా కొనసాగుతూ సంపాదించుకున్న పేరు ప్రఖ్యాతలు కంటే సోషల్ మీడియాలో వివాదాస్పద పోస్టులు చేస్తూ పేరు ప్రఖ్యాతలను సంపాదించుకున్నటువంటి వారిలో పూనమ్ కౌర్ ఒకరు. ఈమె తరచూ ఇండస్ట్రీకి సంబంధించిన వారి పట్ల పరోక్షంగా పోస్టులు చేస్తూ పెద్ద ఎత్తున వార్తల్లో నిలిచారు.
ఇదిలా ఉండగా తాజాగా ఈమె సోషల్ మీడియా వేదికగా తన సమస్య గురించి చేసినటువంటి పోస్ట్ వైరల్ గా మారింది. ఈమె గత మూడు సంవత్సరాలుగా భయంకరమైనటువంటి వ్యాధితో బాధపడుతున్నారని తెలిపారు. ఈ వ్యాధి కారణంగా తనకు కనీసం బట్టలు వేసుకోవడానికి కూడా ఇబ్బందిగా మారిందని తెలిపారు. మూడు సంవత్సరాలుగా తాను ఫైబ్రోమయాల్జియా అనే వ్యాధితో బాధపడుతున్నానని తెలిపారు.
ఫైబ్రోమయాల్జియా వ్యాధి శారీరక ఒత్తిడి, మానసిక ఒత్తిడి ముఖ్యంగా ఎమోషనల్ గా ఫీల్ కావడం వల్ల వస్తుంది అని అంటున్నారు. కారు ప్రమాదం లాంటి యాక్సిడెంట్స్ వల్ల కూడా ఈ వ్యాధి మొదలవుతుంది. దీని లక్షణాలు దారుణంగా ఉంటాయి. శరీరం మొత్తం నొప్పులు ఉండడమే కాకుండా ఉదయం నిద్ర లేవగానే శరీరం మొత్తం బిగిసిపోయినట్టు అనిపిస్తుందని ఈమెకు తాను ఎదుర్కొన్నటువంటి ఇబ్బందుల గురించి తెలిపారు.
ఫైబ్రోమయాల్జియా వ్యాధి…
ఇలా తాను భయంకరమైనటువంటి వ్యాధి బారిన పడటంతో గతంలో కేరళలో కూడా ఆయుర్వేద ట్రీట్మెంట్ తీసుకున్నానని తెలిపారు. తాజాగా ఆయుర్వేద నిపుణులు అయినటువంటి మంతెన సత్యనారాయణ గారిని కలిసి ఈమె తన సమస్యకు తనని సలహాలు సూచనలు కూడా అడిగి తెలుసుకున్నారని అలాంటి ఒక గొప్ప వ్యక్తిని కలవడం చాలా సంతోషంగా ఉంది అంటూ ఆయనతో కలిసి దిగినటువంటి ఫోటోని షేర్ చేస్తూ వెల్లడించారు.