RRR Movie: టాలీవుడ్ దర్శక ధీరుడు రాజమౌళి బాహుబలి సినిమా తర్వాత ఎంతో ప్రతిష్టాత్మకంగా తెరకెక్కిస్తున్న చిత్రం ఆర్ఆర్ఆర్. అత్యంత భారీ బడ్జెట్ తో తెరకెక్కిన ఈ సినిమా ప్రపంచవ్యాప్తంగా జనవరి 7వ తేదీన ప్రేక్షకుల ముందుకు రానుంది.ఈ క్రమంలోనే పెద్దఎత్తున ఈ సినిమా ప్రమోషన్ కార్యక్రమాలను వేగవంతం చేశారు. ఇప్పటికే పలు నగరాలలో ప్రమోషన్ కార్యక్రమాలను నిర్వహిస్తూ పెద్ద ఎత్తున సినిమాపై అంచనాలను పెంచేస్తున్నారు.

ఈ క్రమంలోనే త్వరలో ఈ సినిమా తెలుగు వెర్షన్ ఫ్రీ రిలీజ్ వేడుకను తిరుపతిలో నిర్వహించడానికి చిత్ర బృందం సన్నాహాలు ఏర్పాటు చేస్తున్నట్లు తెలుస్తోంది. అయితే రాజమౌళి దర్శకత్వంలో తెరకెక్కిన బాహుబలి చిత్రం ప్రపంచవ్యాప్తంగా ఎంతో మంచి పేరు సంపాదించుకుంది. ఈ సినిమా ఫ్రీ రిలీజ్ వేడుకను కూడా తిరుపతిలో నిర్వహించారు.

ఈ క్రమంలోనే రాజమౌళి బాహుబలి సెంటిమెంట్ తోనే
ఆర్ఆర్ఆర్ సినిమా ప్రీ రిలీజ్ వేడుకను తిరుపతిలో ప్లాన్ చేస్తున్నారు. మరి బాహుబలి సినిమాకు వర్కవుట్ అయిన విధంగానే ఆర్ఆర్ఆర్ సినిమా విషయంలో అదే సెంటిమెంట్ వర్కౌట్ అవుతుందా అనే విషయం తెలియాల్సి ఉంది.

ఎన్ని ఆటంకాలు ఎదురైనా వెనక్కి తగ్గేది లేదు..

రాజమౌళి ఎంతో ప్రతిష్టాత్మకంగా తెరకెక్కించిన ఈ సినిమా జనవరి 7వ తేదీన ప్రేక్షకుల ముందుకు వస్తుందని పెద్ద ఎత్తున ప్రమోషన్ కార్యక్రమాలు చేస్తున్నప్పటికీ,రోజురోజుకు కరోనా కేసులు కూడా అధికమవుతున్న నేపథ్యంలో ఈ సినిమా విడుదల వాయిదా పడుతుందని వార్తలు చక్కర్లు కొడుతున్నాయి. అయితే ఈ విషయంపై రాజమౌళి స్పందిస్తూ సినిమాని ఎట్టిపరిస్థితులలోనూ అనుకున్న తేదీలోగా విడుదల చేయాలని ఈ విషయంలో వెనక్కి తగ్గేది లేదని క్లారిటీ ఇచ్చారు. ఇప్పటికే ఈ సినిమా పై భారీ అంచనాలు పెంచడంతో ఈ సినిమా కోసం ప్రేక్షకులు కూడా ఎంతో ఆసక్తిగా ఎదురు చూస్తున్నారు.