Ram Charan: రాజమౌళి దర్శకత్వంలో వచ్చిన RRRసినిమా లోని నాటు నాటు పాట ది బెస్ట్ ఒరిజినల్ సాంగ్ కేటగిరిలో భాగంగా ఆస్కార్ నామినేషన్ లో నిలిచిన విషయం మనకు తెలిసిందే. ఇక మార్చి 12న
లాస్ ఏంజిల్స్ లో జరగనున్న 95వ అకాడమీ అవార్డ్స్ ప్రధానోత్సవంలో చిత్ర బృందం సందడి చేయనున్నారు.

ఇప్పటికే త్రిబుల్ ఆర్ చిత్ర బృందం మొత్తం అమెరికా చేరుకునే పలు ఇంటర్వ్యూలకు హాజరవుతూ పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ క్రమంలోనే మెగా పవర్ స్టార్ రామ్ చరణ్ గుడ్ మార్నింగ్ అమెరికా షో తో పాటు ఇతర కార్యక్రమాలు ఇంటర్వ్యూలలో పాల్గొన్నారు.

తాజాగా రామ్ చరణ్ కేటీఎల్ఏ ఛానల్‏కు ఇంటర్వ్యూ ఇచ్చారు.ఈ ఇంటర్వ్యూలో భాగంగా ఆస్కార్ నామినేషన్లో నాటు నాటు పాట ఉండడం గురించి తన అభిప్రాయాలను తెలియజేశారు. నిజానికి ఓ నటుడిగా ఇది నాకెంతో సంతోషాన్ని కలిగించే క్షణం.ఆస్కార్ వేడుకల్లో నేను ఒక అతిథిగా పాల్గొంటే చాలు అనుకునేవాన్ని అలాంటిది ఈ వేడుకలలో మా సినిమా కూడా నామినేట్ కావడం ఎంతో సంతోషంగా ఉందని తెలిపారు.

Ram Charan: ఇన్నేళ్లకు మమ్మల్ని గుర్తించారు…

ఇలా మా సినిమాలోని పాట ఆస్కార్ కి నామినేట్ కావడం ఎంతో ఆనందంగా ఉంది అంతకుమించి మరేం కావాలి ఆస్కార్ అవార్డు తీసుకొని మా దేశానికి వెళ్లడానికి చాలా ఆసక్తిగా ఎదురు చూస్తున్నాను. మా ఇండియన్ సినిమాకు 85 ఏళ్ల చరిత్ర ఉంది ఇన్నేళ్లలో ఇప్పుడు మీరు మమ్మల్ని గుర్తించారు. మా సినిమా ఎంతో బాగుంద‌ని అప్రిషియేట్ చేశారు. నేను వివిధ దేశాల్లో ఆడియెన్స్‌ను ఎంట‌ర్‌టైన్ చేస్తున్నందుకు ఆనందంగా ఉందంటూ తన సంతోషాన్ని తెలియజేశారు.