Chiranjeevi-Charan: మగధీర.. ఈ సినిమా తెలుగు సినిమాలో ఎన్ని సంచలనాలను స్పష్టించిందో ప్రత్యేకంగా చెప్పాల్సిన అవసరం లేదు. అప్పటి వరకు ఠాగూర్ సినిమాకు ఉన్న రికార్డును మగధీర బీట్ చేసి ఎక్కువ సెంటర్లలో 100 రోజులు ఆడిన సినిమాగా గుర్తింపు తెచ్చుకుంది. ఇప్పటికీ ఆ రికార్డు అలానే ఉండిపోయింది కూడా.

అయితే మొదట ఈ సినిమాలో బాలయ్యను హీరోగా అనుకున్నారట. తర్వాత కొన్ని కారణాల వల్ల అది కుదరలేదని అప్పట్లో వార్తలు కూడా వచ్చాయి. ఇక మెగా ఫ్యామిలీలో కథను చెప్పేటప్పుడు మొదట చిరంజీవి విన్నారు. ఇలా రాజమౌళి మగధీర సినిమా కథను రామ్ చరణ్ కు, చిరంజీవికి వినిపించారు. ఆ సమయంలో చిరంజీవికి ఆ కథను చెప్పగా ఆ కథ తెగ నచ్చేసిందట.

ఎంతలా అంటే.. రాజమౌళి నెరేట్ చేస్తున్న సమయంలో ఓ సీన్ చెబుతున్న సమయంలో తాను ఈ రకంగా చేస్తే బాగుంటుందా జక్కన్న అంటూ.. చిరంజీవి అడిగారట. అయితే సార్ ఈ సినిమాలో హీరో మీరు కాదు.. మీ అబ్బాయి.. చరణ్ అనగానే.. ఓ అవును కదా.. అంటూ అన్నారట.

Ramcharan: జక్కన్న నెరేషన్ అంతలా ఉంటుంది మరి..

ఈ విషయాలను రామ్ చరణ్ స్వయంగా చెప్పారు. ఈ సినిమాలో నాన్నగారే హీరో అనుకున్నారు. అంతలా ఆ కథలో లీనమైపోయాడు అంటూ చెప్పుకొచ్చాడు. చిరంజీవి అలా అనుకోవడంలో తప్పు లేదు. ఎందుకంటే రాజమౌళి సినిమాల కథలు అలా ఉంటాయి మరి. అతడి సన్ని వేశాలు చూస్తుంటే.. అందులో మనం కూడా ఉన్నామా అనే సందేహం కలుగుతుంది. అలా మగధీర సినిమాలో తనే హీరో అనుకొని చిరంజీవి రియాక్ట్ అయ్యారనీ చరణ్ ఓ సందర్భంలో తెలిపారు.