దేవదాసు సినిమా ద్వారా రామ్ పోతినేని ఇండస్ట్రీకి పరిచయమయ్యారు. మొదటి సినిమానే ఎంతో ఘన విజయం సాధించడంతో రామ్ కు తెలుగు ఇండస్ట్రీలో వరుస అవకాశాలు వచ్చాయి. గతేడాది పూరీ జగన్నాథ్ దర్శకత్వంలో తెరకెక్కిన “ఇస్మార్ట్ శంకర్” సినిమాలో మాస్ క్యారెక్టర్లో నటించి ఎంతో మంది ప్రేక్షకులను ఆకట్టుకోవడంతో బాక్సాఫీస్ దగ్గర కలెక్షన్ల వర్షం కురిపించింది. ఇదే దూకుడుతో రామ్ తరువాత” రెడ్” అనే చిత్రం ద్వారా అదే ఎనర్జీ తో మరోసారి ప్రేక్షకుల ముందుకు రానున్నారు.

రెడ్ అనే ఈ సినిమా ఒక క్రైమ్ థ్రిల్లర్ జానర్ లో దర్శకుడు తిరుమల కిషోర్ ఈ సినిమాను తెరకెక్కించారు. ఈ సినిమాలో ఎనర్జిటిక్ స్టార్ రామ్ సరసన నివేదా పేతురాజ్‌, మాళవికా శర్మ, అమృతా అయ్యర్‌ నటించారు. ఇప్పటికే ఈ సినిమా షూటింగ్ పూర్తి చేసుకున్న ప్రేక్షకుల ముందుకు రాలేదు. అయితే ఈ సినిమాను ఓటీటీ ద్వారా విడుదల చేయకుండా నేరుగా థియేటర్లలోనే విడుదల చేయాలని చిత్రబృందం భావించారు.

ఈ సినిమాను సంక్రాంతి కానుకగా థియేటర్లలో రిలీజ్ చేయాలని భావించిన చిత్రబృందం ఈ నెల 24న
రెడ్’ థియేట్రికల్ ట్రైలర్ విడుదల చేస్తున్నట్లు చిత్ర బృందం తెలుపుతూ అందుకు సంబంధించిన వీడియోను విడుదల చేశారు. ఈ సందర్భంగా రామ్ మాట్లాడుతూ సంక్రాంతి బరిలోకి రానున్న తన మూడవ చిత్రం” రెడ్” అని తెలిపారు. సంక్రాంతి బరిలోకి మొదటగా “దేవదాస్”, “మస్కా”చిత్రాలు విడుదలై మంచి విజయాన్ని అందుకున్నాయి. ఈ సినిమా కూడా మంచి విజయం సాధిస్తుందని తెలిపారు.

ఈ చిత్ర నిర్మాణం పూర్తయి దాదాపు చాలా రోజులు అవుతున్నప్పటికీ ఈ త్రిల్లర్ సినిమాను థియేటర్లలో విడుదల చేయాలనే ఉద్దేశంతో ఇన్ని రోజులు ఎదురు చూశామని, అందుకోసమే సంక్రాంతికి సినిమాను థియేటర్లలో విడుదల చేయడానికి సన్నాహాలు చేస్తున్నట్లు తెలిపారు. ప్రేక్షకులు రామ్ నుంచి ఏవైతే కోరుకుంటున్నారు ఆ అంశాలన్నీ ఈ సినిమాలో చూడవచ్చని ఈ సినిమా నిర్మాత రవికిషోర్ తెలిపారు. ఈ సినిమాకు మణిశర్మ సంగీతం సమకూర్చారు. ఇప్పటివరకు ఈ సినిమా నుంచి విడుదలైన పాటలు మంచి ప్రేక్షకాదరణ పొందాయని నిర్మాత తెలిపారు.