Sadha : ‘జయం’ సినిమాతో ట్రెడిషనల్ అమ్మాయిగా మంచి మార్కులు కొట్టేసిన అమ్మడు సదా. ఈ బెంగుళూరు అమ్మాయి జయం సినిమాతో ఒక్కసారిగా లైమ్ లైట్ లోకి వచ్చింది. ఇక వరుస ఆఫర్స్ తో మంచి హీరోయిన్ గా గుర్తింపు తెచ్చుకుంది. దొంగ దొంగది, నాగ, అపరిచితుడు, ఔనన్నా కాదన్నా వంటి సినిమాల్తో అలరించిన సదా ఆ తరువాత వెండి తెరకు దూరమైంది. చాలా రోజులకు ఒకటి అరా సినిమాలు తీసినా పెద్దగా ఎవరూ పట్టించుకోలేదు. ఇక ఈటీవీలో ఢీ షోకి జడ్జి గా కూడా కొద్ది రోజులు వచ్చిన సదా మళ్ళీ కనబడలేదు. సెకండ్ ఇన్నింగ్స్ మొదలు పెట్టిన సదా అవకాశాల కోసం ఎదురుచూస్తోంది. అయితే అవకాశం వెతుక్కుంటూ వస్తే కాదని కాలదన్నుకుంది ఈ అమ్మడు ఇప్పుడు ఇండస్ట్రీ లో ఇదే హాట్ టాపిక్.

నితిన్ తో దురుసుగా మాట్లాడిందట…

జయం సినిమా వచ్చి 25 సంవత్సరాలైంది. ఇటీవలే నితిన్ సినిమా ఇండస్ట్రీ కి వచ్చి 25 సంవత్సరాలు అయిందని తన లేటెస్ట్ సినిమా ‘మాచర్ల నియోజకవర్గం’ లో జయం సినిమాలో హిట్ అయిన ‘రాను రానుంటూనే చిన్నదో’ పాటను కూడా రీమిక్స్ చేసి పెట్టుకున్నాడు. సినిమా ఫలితం ఎలా ఉన్నా పాట మాత్రం మళ్ళీ మంచి హిట్ అందుకుంది. అయితే ఈ ఐటమ్ సాంగ్ లో మొదట సదా నే అనుకున్నారట. అందుకోసం నితిన్ సదాకు స్వయంగా కాల్ చేసి మరీ అడిగితే అమ్మడు ఊరికే చేయను అనుంటే సరిపోయేది.

అలా అనకుండా నీతో హీరోయిన్ గా చేసాను, మళ్ళీ ఐటమ్ సాంగ్ నీ పక్కన ఎలా చేస్తాను నాకు విలువేముంటుంది, నువ్వు నన్ను ఎలా అడగగలవు అంటూ అనడంతో సారీ అని చెప్పి నితిన్ ఫోన్ కట్ చేసాడట. అసలే ముదురు బ్యూటీ, పెళ్లి కాకపోయినా ఆల్రడీ ఫేడవుట్ అయినా అమ్మడికి అవకాశాలు రావడం తక్కువ. ఇక ఇలా మాట్లాడితే ఇండస్ట్రీ లో అవకాశాలు ఏమొస్తాయి అంటూ కొంతమంది పెదవి విరుస్తున్నారు.