అల్లు అర్జున్, సుకుమార్ కాంబినేషన్ లో తెరకెక్కుతున్న చిత్రం పుష్ప.. అల్లు అర్జున్ సరసన రష్మిక మందన్నా హీరోయిన్ గా నటిస్తోందన్న సంగతి అందరికీ తెలిసిందే. ఈ సినిమాను పలు భాషల్లో విడుదల చేయనున్నారు. అన్నింటిని ఒకేరోజు రిలీజ్ చేయనున్నారు. పాన్ ఇండియా లెవల్లో తెరకెక్కుతున్ను ఈ చిత్రాన్ని మైత్రి మూవీ మేకర్స్ భారీ బడ్జెట్ తో ఎంతో ప్రతిష్టాత్మకంగా నిర్మిస్తున్నారు.
ఈ సినిమా నుంచి ఇప్పటికే మూడు పాటలు విడుదల చేశారు. అవి యూట్యూబ్ ఓ సెన్సేషనల్ హిట్ ను అందుకున్నాయి. ఇక ఈ సినిమాలో ఓ ఐటెం సాంగ్ ఉండబోతోందట. దానిలో సమంత ఈ సాంగ్ చేస్తోందంటూ వార్తలు వస్తున్నాయి. దాని కోసం అన్నపూర్ణ స్టూడియోలో స్పెషల్ సెట్ కూడా వేశారని, వచ్చే వారం ఈ పాటని షూట్ చేస్తారని సమాచారం.
ఈ పాట కోసం సమంత ఏకంగా రూ.కోటి డిమాండ్ చేసినట్లు సమాచారం. సమంత ఈ సినిమాలో కనపడితే .. సినిమాకు కాస్త మైలేజ్ వస్తుందనే నమ్మకంతో వాళ్లు ఈ నిర్ణయం తీసుకున్నారట. ఇక సుకుమార్ దర్శకత్వంలో సమంత రంగస్థలం సినిమాలో యాక్ట్ చేసిన విషయం తెలిసిందే.
ఇక అల్లు అర్జున్ సరసన సమంత సన్ ఆఫ్ సత్యమూర్తిలో జోడీగా నటించింది. ఈ అప్ డేట్ వినగానే అభిమానులు ఆ పాట కోసం వెయిట్ చేస్తున్నట్లు సోషల్ మీడియాలో ఐ యామ్ వెయిటింగ్ అంటూ కామెంట్లు పెడుతున్నారు. ఇప్పటికే సమంత శాకుంతలం సినిమాలో నటిస్తుండగా.. ఆమెకు బాలీవుడ్ లో కూడా ఆఫర్లు వస్తున్నట్లు తెలుస్తోంది.