బిగ్ బాస్ రియాల్టీ షోలో మొదటి నుంచి లీకులు వస్తూనే ఉన్నాయి. ఒకరోజు ముందుగానే సోషల్ మీడియాలో వైరల్ గా మారి.. అక్కడ జరిగే విషయాలు బయటకు వస్తున్నాయి. ఇలాంటిదే మొదటి ఎలిమినేషన్ విషయంలో కూడా ఇప్పుడు అలానే లీకులు బయటకు వస్తున్నాయి.
బిగ్ బాస్ సీజన్ 5 మొదలై దాదాపు వారం రోజులు కావస్తుంది. మొదటి ఎలిమినేషన్ కు కూడా సమయం ఆసన్నమైంది. ఎలిమినేషన్ కు యాంకర్ రవి, జశ్వంత్, మానస్, హమిదా, సరయు మరియు కాజల్ అర్హులుగా ఉన్నారు. అయితే అందులో రవి, మానస్, కాజల్ సేఫ్ జోన్ లో ఉన్నట్లు తెలుస్తోంది. అయితే మొన్నటి వరకు హమిద ఎలిమినేట్ అవుతుందని అనుకున్నారు అందరు.
కానీ తాజాగా లీకు రాజాల ద్వారా తెలిసింది ఏంటంటే.. ఈ సారి సరయు ఎలిమినేట్ అయిందనే వార్త సోషల్ మీడియాలో వైరల్ గా మారింది. ఈ ఎలిమినేషన్ ను ఎవరూ ఊహించనిది. జెస్సీ ఈ వారం గండం గట్టెక్కడం కష్టమే అని నెటిజన్లు అభిప్రాయపడుతున్న తరుణంలో అతడికి బదులు సరయూను ఎలిమినేట్ చేయడం ఏంటని ఆశ్చర్యపోతున్నారు.
7 ఆర్ట్స్ సరయుగా మంచి గుర్తింపు తెచ్చుకున్న ఈ అమ్మడు.. ఈ వారం దాదాపు ఎలిమినేట్ అయిందనే వార్తలు వస్తున్నాయి. ఓటింగ్ లో వెనుకపడటంతో ఇలా ఎలిమినేట్ అయిందని అంటున్నారు నెటిజన్లు. ఇదిలా ఉండగా.. సరయు అభిమానులు దీనిని జీర్ణించుకోలేక పోతున్నారు. ఇదంతా ఫేక్ అంటూ వాళ్లు కొట్టిపారేస్తున్నారు.