Senior Actress KR Vijaya : దేవత పాత్రలు అనగానే ఒక్కప్పటి సినిమాల్లో గుర్తు వచ్చేది కేఆర్ విజయ గారు. ఆమె పెద్ధ కళ్ళు అందమైన ముఖ వర్చస్సు వల్ల అమ్మవారి రూపంలో చక్కగా కనిపించేవారు. ఇక హీరోయిన్ గా ఎన్నో సినిమాల్లో నటించి మెప్పించారు. తెలుగులో మొదటగా ‘శ్రీకృష్ణ పాండవీయం’ సినిమాతో గుర్తింవు తెచ్చుకున్న ఆమె తమిళంలో తన కెరీర్ మొదలు పెట్టారు. ఇక కేరళకు చెందిన ఈమె తండ్రిది మాత్రం చిత్తూరు జిల్లా కావడం విశేషం. ఇక తెలుగులో వందకు పైగా సినిమాలలో నటించిన విజయగారు ఎక్కువగా తమిళంలోనూ ఆపైన తెలుగు, మలయాళంలో నటించారు. ఆమె వ్యక్తిగత విషయాలను అలాగే కెరీర్ గురించి ఒక ఇంటర్వ్యూలో పంచుకున్నారు.

ఆమె నా కూతురు కాదు…

రాజేంద్ర ప్రసాద్ నటించిన గోల్ మాల్ గోవిందం అలాగే ఇద్దరు పెళ్ళాల ముద్దుల పోలీస్ వంటి సినిమాల్లో హీరోయిన్ గా నటించిన హీరోయిన్ అనూష విజయ గారి కూతురుగా అందరికీ తెలుసు. కానీ నిజానికి విజయ గారికి ఒకే కూతురు ఆమె కూడా అనూష కాదు, హేమలత. ఇటీవల ఒక ఇంటర్వ్యూలో విజయ గారే ఈ విషయంలో క్లారిటీ ఇచ్చారు.

అనూష కేఆర్ విజయ గారి చెల్లెలు కేఆర్ సావిత్రి గారి కూతురు. అంటే విజయ గారి చెల్లి కూతరు కానీ అందరూ విజయ గారి కూతురే అని అనుకున్నారు. అనూష రెండు తెలుగు సినిమాల్లో చేసినా ఆపైన నిన్నేపెళ్లాడతా, జయం వంటి సీరియల్స్ లో నటించి మరింత మంచి పేరు తెచ్చుకుంది.