Subhashini : ప్రముఖ యాంకర్ సుమ కనకాల గురించి ప్రత్యేకంగా పరిచయం చేయాల్సిన అవసరం లేదు. ఎన్నో ఏళ్లగా బుల్లి తెర మీద ప్రసారమవుతున్న టీవీ షోస్ లో యాంకర్ గా వ్యవహరిస్తూ సుమ తెలుగు ప్రేక్షకులకు బాగా దగ్గరయింది. స్టార్ మహిళ షో ద్వారా సుమ ఇంట్లో మనిషిగా మారిపోయింది. ప్రస్తుతం సినిమా ఫ్రీ రిలీజ్ ఈవెంట్లతో బిజీగా ఉన్న సుమ ఈటీవీలో ప్రసారమవుతున్న క్యాష్ షోలో మాత్రం యాంకర్ గా వ్యవహరిస్తుంది.
ప్రతివారం ప్రసారమయ్యే ఈ క్యాష్ షోలో సెలబ్రిటీలు సందడి చేస్తూ ఉంటారు. ఈవారం ప్రసారం కాబోయే క్యాష్ ఎపిసోడ్ లో కూడా నలుగురు సీనియర్ సెలబ్రిటీలు సందడి చేశారు.సీనియర్ యాక్టర్స్ జెన్నీ, బాలాజీ,కృష్ణవేణి, సుభాషిని ఈ వారం ప్రసారం కాబోయే క్యాష్ షో లో కనిపించనున్నారు. తాజాగా ఈ ఎపిసోడ్ కి సంబంధించిన ప్రోమో విడుదల అయ్యింది. ఈ క్యాష్ షో లో సుమ సీనియర్ యాక్టర్లతో ఫన్నీ టాస్క్ లు ఆడించింది.
ఈ క్రమంలో బట్టతల ఉన్న జెన్నీ తల మీద 10 సెకెన్లు నిమ్మకాయ ఉంచాలని టాస్క్ ఇచ్చింది. ఇక కృష్ణవేణీ గారికి 10 సెకన్లలో బియ్యంలో ఉన్న 10 రాళ్ళు ఏరమని టాస్క్ ఇచ్చింది. ఇలా ఈ షో లో సీనియర్ యాక్టర్లు తమ అల్లరితో సందడి చేశారు. ఇక ఈ షో లో బాలాజి, జెన్నీ కష్టతరమైన ఆసనాలు వేసి అందరినీ ఆశ్చర్యపరిచారు. ఇదిలా ఉండగా సీనియర్ నటి సుభాషిని ఈ షోలో బాగా ఎమోషనల్ అయ్యారు. తనకి క్యాన్సర్ వచ్చిన సమయంలో సుమ తనకు ఎంతో సహాయం చేసిందని ఇప్పటికీ కూడా ప్రతి ఆరు నెలలకు ఒకసారి తనకి కావాల్సిన మందులు అమెరికా నుండి తెప్పిస్తుందని చెప్పుకొచ్చారు.
అమెరికా నుంచి నాకోసం మందులు తెప్పించింది…
ఈ క్రమంలో సుభాషిని సుమా గురించి మాట్లాడుతూ నేను ఈరోజు ప్రాణాలతో ఉండటానికి కారణం సుమా. నాకు మళ్ళీ మనిషి జన్మంటూ ఉంటే నీ కడుపున కూతురుగా పుడతాను అంటూ కన్నీళ్లు పెట్టుకుంది. దీంతో సుమ కూడా సుభాషిని వద్దకు వెళ్లి ఆమెను కౌగిలించుకుంది. నువ్వు నా బంగారు తల్లివమ్మా అంటూ సుభాషిని సుమా నుదుటిమీద ముద్దు పెట్టి చాలా ఎమోషనల్ అయింది.
