Senior Artist Pragathi : తెలుగులో అమ్మ పాత్రలలో ఎక్కువగా మెరిసి ఎన్నో సినిమాల్లో క్యారెక్టర్ ఆర్టిస్ట్ గా చేసిన నటి ప్రగతి అందరికీ తెలుసు. ఇదంతా కరోనా ముందు అనాలేమో ఇప్పుడు మాత్రం అమ్మ పాత్రలతో కాదు ఇంస్టాగ్రామ్ రీల్స్ తో బాగా పాపులర్. కూతురూతో కలిసి డాన్సులు, ఇక తన వర్క్ అవుట్ వీడియోలతో తాను ఇప్పటి హీరోయిన్లకు ఏమాత్రం తీసిపోను అన్నట్లుగా దూసుకెళతోంది. ఇక ప్రగతి ఆంటీకి ఇంస్టాగ్రామ్ లో మంచి ఫాలోయింగ్ కూడా ఉంది. అయితే ప్రగతి మొదట హీరోయిన్ అవ్వాలని ఇండస్ట్రీకి వచ్చినా ఒక ఏడో ఎనిమిదో సినిమాల్లో మాత్రమే హీరోయిన్ గా చేసింది. ఆ తరువాత ఇక క్యారెక్టర్ ఆర్టిస్ట్ గా సెటిల్ అయింది. ఇక తన వ్యక్తిగత జీవితం గురించి తాజాగా ఇంటర్వ్యూలో ప్రగతి మాట్లాడారు.

భర్తతో విబేధాలు… అమ్మ దూరం పెట్టింది…

ప్రగతి చెన్నై లో చదువుకుంటున్న సమయంలోనే మోడలింగ్ వైపు అడుగులేసారు. తాను చదువుకుంటున్న సమయంలోనే ఖర్చులకు డబ్బు తల్లికి ఆసరాగా ఉండవచ్చు అనే ఉద్దేశంతో మోడలింగ్ వైపు వెళ్లినట్లు చెప్పిన ప్రగతి ఆ తరువాత సినిమాల్లోకి వచ్చినట్లు తెలిపారు. సినిమాల్లో నటించే సమయంలోనే 20 ఏళ్ల వయసులోనే ప్రేమించి పెళ్లి చేసుకోవడం వల్ల తల్లి దూరం పెట్టిందని ఇంటర్వ్యూలో తెలిపారు. ఇక పెళ్లి సమయంలో తన భర్తకు 23 ఏళ్ల వయసు, ఇద్దరికీ పెద్దగా మెచ్యురిటీ లేకపోవడం వల్ల విడిపోయామని తెలిపారు ప్రగతి.

ఇక విడిపోయే సమయానికి తనకు ఒక కొడుకు ఉండటం, వాడిని చూసుకోవడం నా బాధ్యత అని క్యారెక్టర్ ఆర్టిస్ట్ గా కూడా చేయాలని వచ్చిన పాత్రలను చేసుకుంటూ వెళ్లానని ప్రగతి తెలిపారు. తల్లి వైపు నుండి కానీ, భర్త వైవు నుండి కానీ ఎటువంటి ఆస్తి రాలేదని ఇక ఆశించలేదు కూడా అంటూ తెలిపారు ప్రగతి. కానీ మొదటి నుండి బాధ్యతలు మాత్రం నేనే తీసుకున్నానని కష్టపడి ఈ స్టేజి కి వచ్చానంటూ తెలిపారు ప్రగతి.