Senior Heroine Madhubala : ‘రోజా’ సినిమాలో చిన్ని చిన్ని ఆశ పాట గుర్తురాగానే పల్లెటూరి అమ్మాయిలా గడుసుగా ఉండే మధుబాల గుర్తొస్తుంది. ఆ సినిమా వచ్చి ఏళ్ళు గడిచినా ఇప్పటికీ గుర్తుండిపోయింది. ఆ సినిమాతో మంచి గుర్థింపు తెచ్చుకున్న నటి మధుబాల ఆ తరువాత జెంటల్ మెన్, తెలుగు లో స్ట్రైట్ సినిమా అయిన అల్లరి ప్రియుడు, చిలక్కొట్టుడు వంటి సినిమాల్లో నటించింది. తెలుగులో తక్కువ సినిమాలలో నటించిన మధుబాల దాదాపు ఐదారు భాషల్లో నటిస్తూ బిజీ హీరోయిన్ గా ఉండేది. ఇక కెరీర్ పీక్స్ లో ఉన్న సమయంలో పెళ్లి చేసుకుని అమెరికా వెళ్లిపోయిన మధుబాల మళ్ళీ రీ ఎంట్రీ ఇచ్చి సినిమాల్లో నటిస్తోంది. తాజాగా ‘ప్రేమదేశం’ అనే సినిమాలో నటించిన మధుబాల ఆ సినిమా ప్రమోషన్స్ కోసం. ఇంటర్వ్యూలో పాల్గొంటూ వ్యక్తిగత విషయాలను పంచుకున్నారు.

కుటుంబం… హేమా మాలిని తో రిలేషన్…

మధుబాల అసలు పేరు పద్మ మాలిని అయితే ముంబై లో చదివే రోజుల్లో మధు గా పేరు మార్చారు. తల్లి వద్ద భరత నాట్యం నేర్చుకున్న మధు బాలచంధర్ గారి సినిమాలో నటించే సమయంలో పేరును మధుబాల గా మార్చుకున్నారు. ఇక హేమా మాలిని తనకు సినిమాల్లోకి రావడానికి స్ఫూర్తి అంటూ చెప్పే మధుబాల హేమా మాలిని గారి మేనకోడలు.

ఇక గుజరాతి వ్యాపారిని పెళ్లి చేసుకుని అమెరికా వెళ్లిపోయిన మధుబాలకు ఇద్దరు కూతుర్లు ఆమెయా, కేయ. పెద్దమ్మాయి యూనివర్సిటీ లో మాస్టర్స్ చెస్తుండగా చిన్న అమ్మాయి హీరోయిన్ అవ్వాలని అనుకుంటోందట. ఇక తన కూతురుకి విజయ్ దేవరకొండ తో నటించాలని ఉంది అంటూ చెప్పారు మధుబాల. ప్రస్తుతం పిల్లలు పెద్దవాళ్లు కావడం వల్ల మళ్ళీ సినిమాల్లో నటించాలని అనుకుంటున్నట్లు మధుబాల తెలిపారు.