Senior Journalist Bhardwaja : మంచు మోహన్ బాబు అనగానే క్రమశిక్షణ, సంస్కారం అన్నట్లుగా ఆయన వ్యవహార శైలి ఉంటుంది. అయితే తాజాగా ఆయన కొడుకుల మధ్య జరిగిన గొడవ సోషల్ మీడియా ఇంట రచ్చ చేస్తూ మోహన్ బాబు గారి క్రమశిక్షణ, సంస్కారం ఎక్కడికి పోయాయి అని జనాలు మాట్లాడుకుంటున్నారు. తాజాగా మంచు మనోజ్ తన ఫేస్ బుక్ ఖాతాలో ఒక వీడియోను అప్ లోడ్ చేసారు. ఆ వీడియో ఇప్పుడు సోషల్ మీడియాలో సంచలనంగా మారింది. ఇక మంచు మనోజ్, విష్ణు మధ్య గొడవ, ఆ మంచు తుఫాన్ కి కారణం ఏమిటి అన్న విషయాల మీద సీనియర్ జర్నలిస్ట్ భరద్వాజ గారు విశ్లేషించారు.

ఆమె వల్లే అన్నదమ్ముల మధ్య గొడవ…

ఇటీవలే మంచు మనోజ్ భూమా మౌనిక రెడ్డిని రెండో వివాహం చేసుకున్నారు. అయితే ఈ వివాహం కూడా ఇంట్లో ఎవరికీ ఇష్టం లేదు, ముఖ్యంగా మోహన్ బాబు గారు ఈ వివాహనికి సుముఖంగా లేరు అనే వార్తలు వినిపించాయి. అన్నీ తానై మంచు లక్ష్మి తమ్ముడి పెళ్లిని తన ఇంట్లోనే జరిపించారు. అయితే వివాహానికి మోహన్ బాబు వస్తాడా రాడా అనే సంశయంలో చివరికి పెళ్ళికి వచ్చాడు. ఆ సమయంలో మౌనిక రెడ్డి ఎమోషనల్ అవడం కూడా చూసాం. అయితే మంచు విష్ణు మాత్రం పెళ్ళికి అతిధి లాగా అలా వచ్చి పట్టుమని ఒక అరగంట అయినా లేకుండా వెళ్ళిపోయాడు. అప్పటికే వారి మధ్య విబేధాలు ఉన్నాయనే చర్చ జరిగింది.

అయితే తాజాగా మంచు మనోజ్ మోహన్ బాబు కుటుంబానికి అత్యంత సన్నిహితుడైన సారధి అనే వ్యక్తి ఇంట్లో ఉండగా అక్కడికి వెళ్లి విష్ణు గొడవ పడ్డాడు. సారధిని కొట్టాడు. ఈ ఇష్యూను మనోజ్ వీడియో తీసి తరచూ ఇలా వీళ్ళు వచ్చి గొడవ పడుతూనే ఉంటారు అంటూ మాట్లాడిన వీడియో ఫేస్ బుక్ లో అప్ లోడ్ చేసి ప్రపంచానికి వాళ్ళ గొడవను చూపించాడు అంటూ భరద్వాజ గారు మాట్లాడారు. అయితే ఈ గొడవకు కారణం విష్ణు భార్య వెరోనిక రెడ్డికి గల అభ్యంతరాలు అంటూ భరద్వాజ గారు అభిప్రాయపడ్డారు. వెరోనిక కుటుంబానికి అలాగే భూమా మౌనిక కుటుంబానికి గతంలో ఉన్న రాజకీయ వైరుద్యాలు అలాగే ఫ్యాక్షన్ గొడవల కారణంగానే మనోజ్ పెళ్ళికి అడ్డుకున్నారని భరద్వాజ గారు అభిప్రాయపడ్డారు. అయితే మోహన్ బాబు గారు చొరవ చూపి మనోజ్ ను ఆ వీడియో డిలీట్ చేయమని చెప్పడంతో మనోజ్ ఆ వీడియో తొలగించాడని ఇలాంటి గొడవలు ప్రతి ఇంట్లో ఉండేవే అంటూ భరద్వాజ అభిప్రాయపడ్డారు.