Serial Actress Karuna Bhushan : సీరియల్ ఆర్టిస్ట్ గా 2007లో వచ్చిన ‘యువ’ సీరియల్ తో తెలుగు తెరకు పరిచయమైన ఆర్టిస్ట్ కరుణ. మొదట్లో సీరియల్ లో అంతగా గుర్తింపు రాకపోయినా టీవీ షో ‘విహారి’ ద్వారా కొత్త ప్రదేశాలను చూపుతూ వాటి విశిష్టతను వివరిస్తూ చేసిన కార్యక్రమం ద్వారా బాగా పాపులర్ అయింది. ఇక ఆ షో తరువాత పలు సీరియల్స్ అలాగే సినిమాల్లోనూ అలరించిన కరుణ ప్రస్తుతం సీరియల్స్ లో విలన్ క్యారెక్టర్స్ చేస్తూ మెప్పిస్తోంది.

రష్మీ తో గొడవ…

జబర్దస్త్ తో ఫేమస్ అయిన యాంకర్ రష్మీ తొలినాళ్లలో కరుణ, నిహారిక వంటి ఆర్టిస్టులతి కలిసి పనిచేసింది. యువ సీరియల్ లో వారితో కలిసి పనిచేసినప్పటి నుండే వీరికి పరిచయం ఉంది. అయితే అప్పట్లో రష్మీ కి కరుణ కు అసలు పడేది కాదంటూ వార్తలు వినిపించేవి. వీటి మీద రీసెంట్ గా ఒక ఇంటర్వ్యూలో కరుణ మాట్లాడుతూ పనిచేసేటపుడు వచ్చే బేదాభిప్రాయాలు కానీ మరే ఇతర గొడవలు తమకు లేవని చెప్పింది.

ఇప్పటికీ మేమిద్దరం స్నేహితులుగానే ఉన్నామంటూ మా చిన్న చిన్న గొడవలను మీడియానే పెద్దదిగా చేసి చూపిందని తెలిపింది. ఇక రష్మీ ఇప్పుడు టాప్ యాంకర్ గా ఉంది నేను లేననే బాధ నాకు లేదు. నేను చేయగలిగినవి తాను చేయలేదు, తాను చేయగలిగినవి నేను చేయలేను అంతే ఒకరితో పోల్చుకుంటే మన జీవితం ఆనందంగా ఉండదు అంటూ కరుణ తెలిపారు.