Shoban Babu: సోగ్గాడు అందాల నటుడు అంటే టక్కున అందరికీ శోభన్ బాబు గుర్తుకొస్తారు. తన అందంతో అభినయంతో ఎంతోమంది తెలుగు ప్రేక్షకుల హృదయాలను దోచుకున్న శోభన్ బాబు గురించి ఎంత చెప్పినా తక్కువే.ఇలా నటుడిగా ఇండస్ట్రీలో ఎంతో పేరు ప్రఖ్యాతలు సంపాదించుకున్న శోభన్ బాబు తన వారసులని మాత్రం ఇండస్ట్రీకి పరిచయం చేయలేదు.

ప్రస్తుతం శోభన్ బాబు కుమారులు వ్యాపార రంగంలో స్థిరపడ్డారు.ఇకపోతే సినిమాలలో నటించిన శోభన్ బాబు సినిమాలలో నటిస్తూనే చాలా ముందు చూపుతో పెద్ద ఎత్తున ఆస్తులను కూడా పెట్టారని తాజాగా ఒక ఇంటర్వ్యూలో ఆయన స్నేహితుడు చంద్రమోహన్ శోభన్ బాబు ఆస్తులు గురించి తెలియజేశారు.

ఈ సందర్భంగా చంద్రమోహన్ మాట్లాడుతూ శోభన్ బాబు అందరిలాగా తన వారసులను ఇండస్ట్రీకి తీసుకురావడం కోసం తాపత్రయపడలేదు వారి భవిష్యత్తు గురించి ఆలోచించి ఆయన పెద్ద ఎత్తున ఆస్తులను కొనుగోలు చేశారని చెప్పారు. చెన్నైలో అన్నా నగర్ ఏరియాలో శోభన్ బాబుకు సంబంధించిన ప్రాపర్టీస్ చాలా ఉన్నాయని తెలిపారు. ఇక్కడ తన ప్రాపర్టీస్ చూడడానికి ఒక పూట మొత్తం సరిపోతుందని చంద్రమోహన్ వెల్లడించారు.

Shoban Babu: వేల కోట్ల రూపాయలు ఆస్తిని కలిగిన శోభన్ బాబు…

శోభన్ బాబు అప్పట్లోనే ఒక ఎకరం 5000 రూపాయలతో కొనుగోలు చేశారు. ఇప్పుడు అక్కడ ఎకరం విలువ 50 కోట్ల వరకు ఉంది.ఇలా చెన్నైలో కొన్ని వందల ఎకరాల భూములను అప్పట్లోనే శోభన్ బాబు కొనుగోలు చేశారని అయితే ఇప్పుడు ఆ ఆస్తి విలువ కొన్ని వేల కోట్ల రూపాయలు విలువ చేస్తుందని చంద్రమోహన్ తెలిపారు. శోభన్ బాబు మరణించే సమయానికి ఆయనకు 80 వేల కోట్లకు పైగా ఆస్తులు ఉన్నట్టు సమాచారం. ఇప్పుడు ఆస్తి మరింత పెరిగి ఉంటుందని చంద్రమోహన్ వెల్లడించారు. ఇలా ముందు చూపుతో అప్పట్లోనే భూమిని కొనుగోలు చేసిన శోభన్ బాబు అప్పటికి ఇప్పటికీ చాలా రిచెస్ట్ పర్సన్ అని చెప్పాలి.