shruthi Hassan: పాన్ ఇండియా స్టార్ హీరో ప్రభాస్ నటించినటువంటి సలార్ సినిమా నేడు ప్రేక్షకుల ముందుకు వచ్చి అద్భుతమైన ఆదరణ సొంతం చేసుకుంది. ఇక ఈ సినిమా మంచి టాక్ సొంతం చేసుకోవడంతో థియేటర్లో అభిమానుల అరుపులు కేకలతో దద్దరిల్లిపోతున్నాయి. ఇక ఈ సినిమా విడుదలకు ముందు చిత్ర బృందం ప్రమోషన్ కార్యక్రమాలలో పాల్గొనడం సినిమాకు సంబంధించిన అప్డేట్స్ విడుదల చేయడంతో పెద్ద ఎత్తున సినిమాపై అంచనాలు పెరిగిపోయాయి.
ఇక ఈ సినిమాలో ప్రభాస్ కి జోడిగా శృతిహాసన్ నటించిన విషయం తెలిసిందే. ఈమె కూడా ఒక ఇంటర్వ్యూలో పాల్గొని సలార్ సినిమా షూటింగ్ సమయంలో జరిగినటువంటి కొన్ని విశేషాలను అభిమానులతో పంచుకున్నారు. ఇక ఈ సినిమాలో ప్రభాస్ కి జోడిగా నటించడం తనకు చాలా సంతోషంగా ఉందని ప్రశాంత్ అద్భుతమైన కథను ప్రేక్షకులకు పరిచయం చేయబోతున్నారని తెలిపారు.
ఈ సినిమా షూటింగ్ సమయంలో తాను హీరో ప్రభాస్ ను భారీగా టార్చర్ చేశాను అంటూ ఈ సందర్భంగా శృతిహాసన్ చేసినటువంటి వ్యాఖ్యలు వైరల్ అవుతున్నాయి. శృతిహాసన్ సాధారణంగా బాగా మాట్లాడుతారు ఇక సలార్ సినిమా సమయంలో మాత్రం తనకు ఏమాత్రం విరామం దొరికిన చిత్ర బృందంతో భారీగా మాట్లాడే దానిని అలాగే నేను ఎక్కువగా ప్రభాస్ తోనే మాట్లాడుతూ ఉన్నానని తెలిపారు.
ఓపికగా విన్నారు…
నేను ఎక్కువగా మాట్లాడుతూ ప్రభాస్ ను భారీగా టార్చర్ చేశానని నేను ఇలా మాట్లాడుతూనే ఉన్నప్పటికీ ఆయన మాత్రం విసుక్కోకుండా నవ్వుతూ నా మాటలను వినడమే కాకుండా నాకు రిప్లై ఇస్తూ వచ్చారని శృతిహాసన్ తెలిపారు. ఇలా నా మాటలను ప్రభాస్ భరించారు అంటే ఆయనకు ఎంతో సహనం ఉందని ఆ క్షణమే తనకు అర్థమైంది అంటూ ఈ సందర్భంగా శృతిహాసన్ ప్రభాస్ గురించి చేసినటువంటి ఈ వ్యాఖ్యలు వైరల్ అవుతున్నాయి.