Sobhita Dhulipala: టాలీవుడ్ ఇండస్ట్రీలో హీరోయిన్ గా సక్సెస్ అందుకున్నటువంటి వారిలో శోభిత ధూళిపాళ్ల ఒకరు. ఈమె బాలీవుడ్ సినిమా ద్వారా హీరోయిన్ గా ఎంట్రీ ఇచ్చారు. అనంతరం తెలుగులో కూడా వరుస సినిమాలలో నటిస్తున్నటువంటి శోభిత ప్రస్తుతం హాలీవుడ్ సినిమాలలో కూడా నటిస్తున్నారు.

ఈమె ఇటీవల హాలీవుడ్ ఇండస్ట్రీలో నటించిన మంకీ మ్యాన్ అనే సినిమా ప్రేక్షకుల ముందుకు వచ్చింది. ఈ సినిమా హాలీవుడ్ ఇండస్ట్రీలో ఏప్రిల్ 5వ తేదీ విడుదల అయ్యి కేవలం మూడు రోజులలోనే బ్రేక్ ఈవెన్ సాధించి మంచి సక్సెస్ అందుకుంది. ఇక ఈ సినిమా తెలుగులో కూడా విడుదల కావడానికి సిద్ధమవుతుంది.

ఈ సినిమా ఏప్రిల్ 26వ తేదీ తెలుగులో ప్రేక్షకుల ముందుకు రాబోతున్నటువంటి తరుణంలో ఈమె తెలుగు ప్రమోషన్ కార్యక్రమాలను కూడా మొదలుపెట్టారు. ఈ సినిమా ప్రమోషన్ కార్యక్రమాలలో భాగంగా మంకీ మ్యాన్ సినిమాలో తన పాత్ర గురించి ఈమె మాట్లాడుతూ చేసిన కామెంట్స్ వైరల్ అవుతున్నాయి.

వేశ్యగా..
ఈ సినిమాలో తాను సీత అనే ఒక వేశ్య పాత్రలో కనిపించబోతున్నానని తెలిపారు. ఈ పాత్రలో నటించడానికి నాకు చాలా గౌరవంగా అనిపించిందని తెలిపారు. తప్పకుండా ఈ పాత్ర ప్రతి ఒక్కరిని ఆకట్టుకుంటుందని వెల్లడించారు. ఇలా కథ ప్రాధాన్యత ఉన్నటువంటి ఎలాంటి పాత్రలు అయినా చేయడానికి తాను సిద్ధంగా ఉన్నాననీ శోభిత చేసిన ఈ కామెంట్స్ వైరల్ అవుతున్నాయి.