ఇటీవల కాంట్రవర్సీలకు కేరాఫ్ అడ్రస్ గా నిలిచిన రామ్ గోపాల్ వర్మ వీడియోలు వైరల్ గా మారాయి. అందులో ఒక వీడియో.. వర్మ బర్త్ డే పార్టీలో ఓ అమ్మాయితో రచ్చ రచ్చ చేసిన విషయం తెలిసిందే. అయితే ఆ వీడియోలో నటుడిగా, దర్శకునిగా గుర్తింపు తెచ్చుకున్న శ్రీకాంత్ అయ్యంగార్ కూడా ఉన్నారు.
అతడు ఇటీవల 20 పైగా టాలీవుడ్ సినిమాల్లో నటించారు. అతడికంటూ ఓ ప్రత్యేక గుర్తింపును కూడా తెచ్చుకున్నారు. అయితే ఆర్డీవీ వీడియోలపై అతడు స్పందించాడు. వర్మ అంటే తనకు చాలా ఇష్టమని.. తనకు గాడ్ ఫాదర్ లాంటివాడని కూడా చెప్పుకొచ్చాడు. ఆ వీడియోలో తాను వర్మపై ఉన్న భక్తి కారణంగానే కాళ్లపై పడ్డానని చెప్పాడు.
ఆ వీడియో కంటే ముందు వర్మ.. తాను కొత్త ఇంట్లో ఖాళీగా ఉన్నానని.. తాను ఇంటికి రావచ్చా అని అడిగి.. తన ఫ్రెండ్స్ తో వచ్చాడని శ్రీకాంత్ తెలిపారు. తర్వాత సరదాగా వోడ్కాతాగామని..అప్పడికప్పుడే ఇనయా సుల్తానా పుట్టినరోజు అని తెలియడంతో కేక్ తెప్పించి బర్త్ డే జరిపామని శ్రీకాంత్ వెల్లడించారు. అక్కడ డ్యాన్స్ చేసినవి అన్నీ తమ ఇష్టప్రకారమే చేశామని.. వర్మతో కలిసి ఆమె డ్యాన్స్ చేయడం ఆమె ఏ మాత్రం అఇష్టం చూపలేదని చెప్పాడు.
అయితే ఆ వీడియో ఎలా లీక్ అయిందో తెలియదని చెప్పుకొచ్చాడు. ఆ వీడియో వైరల్ అయిన తర్వాత ఆమెకు ఏదైనా సమస్య వస్తుందేమోనని కంగారు పడ్డారని.. ఆమెకు ఫోన్ చేసి నెగెటివ్ కామెంట్లు పట్టించుకోవద్దని ధైర్యం చెప్పాడని శ్రీకాంత్ చెప్పారు. అయితే అతడు మిడిల్ ఫింగర్ చూపిస్తూ.. నెగెటివ్ కామెంట్లు చేసేవారికిరి పరోక్షంగా వార్నింగ్ ఇచ్చారు శ్రీకాంత్ అయ్యంగర్.